+7 (777) 001 44
99
Америкалық танымал блогер әрі кәсіпқой боксшы MMA жұлдыздары Конор Макгрегор мен Хабиб Нурмагомедовке қарсы жекпе-жек өткізу туралы пікір білдірді, - деп хабарлайды Tengri Sport.
Америкалық инфлюенсер спорт аңыздары Конор Макгрегор мен Хабиб Нурмагомедовке қарсы ММА ережесі бойынша айқас өткізгісі келетінін айтты.
Ол бұл файтерлерді қаржылай ынталандыра алмайтынын, алайда игі іс үшін жекпе-жекке келісуі мүмкін екеніне сенімді.
"Мен кез келген нұсқаға дайынмын. Әлемдегі ең айтулы жекпе-жектердің бірі - менің ММА-да Макгрегорға қарсы шығуым болар еді, мен бұған дайынмын. Сондай-ақ ММА-да Хабибке де қарсы кездесуге дайынмын. Бұл керемет болар еді, сондықтан Хабибті спортқа оралту керек", - деді Джейк Пол.
- Оны спортқа оралуға көндіретіндей қандай да бір қаржылық ынталандыру бар деп ойлайсың ба?
- Мәселе ақшада деп ойламаймын. Мүмкін, бұл игі іс немесе бірлесіп істейтін пайдалы шаруа болса, қызығушылық тудыруы мүмкін.
- Дағыстанда ауыл салу сияқты ма?
- Дәл солай. Мен келісемін.
Джейк Пол деген кім?
Джейк Пол 2010 жылдары Vine платформасында видео түсіріп, танымал болды. Платформа жабылғаннан кейін ол YouTube-ке ауысып, блогерлік қызметін жалғастырды.
Джейк Полдың ең атышулы әрекеттерінің бірі - әлеуметтік желілерге арналған кездесуден кейін Ақ үйдің жуынатын бөлмесінде жасырынып қалғаны туралы мәлімдемесі.
Оның айтуынша, бірнеше сағаттан кейін ол АҚШ президентінің резиденциясынан ешкімге байқалмай шығып кеткен, кейінірек осы оқиғаның кадрларын YouTube-те жариялаған.
2018 жылы Джейк пен оның ағасы Логан кәсіпқой бокста бағын сынап көруді ұйғарды.
Алғашында олар басқа блогерлермен жұдырықтасты, бірақ 2021 жылдың ақпанында Логан Пол бұрынғы абсолютті әлем чемпионы кіші Флойд Мейвезермен сегіз раундтық жекпе-жек өткізді.
Оның ең атышулы кездесулерінің бірі 2024 жылдың 16 қарашасында өтті, сол кезде ол төрешілер шешімімен аңызға айналған Майк Тайсонды жеңді.
Джейк Пол соңғы жекпе-жегін 2025 жылғы 20 желтоқсанға қараған түні Майамиде (Флорида штаты, АҚШ) "Kaseya Center" аренасында өткізді. Оның қарсыласы ауыр салмақтағы бұрынғы біріктірілген әлем чемпионы Энтони Джошуа болды.
Жекпе-жекте 35 жастағы экс-чемпион жеңіске жетті. Ұлыбританиялық спортшы кездесу тізгінін сенімді ұстап, алтыншы раундта қарсыласын нокаутқа түсірді.
Instagram-дағы бұл жарияланымды көру
