UFC басшысы Әбу-Дабиде (БАӘ) Усман Нурмагомедов пен жеңіл салмақтағы UFC-дің экс-чемпионы Мераб Двалишвилидің қатысуымен болған жаппай төбелеске шұғыл үн қатты. UFC 334 турнирінің алдында өткен баспасөз мәслихатында ол болған жайтты "мүлдем ақылға қонымсыз әрі ақымақтық" деп атап, спортшылардың өздерін "мисыз ақымақтарға" теңеді.
"Оңбаған ақымақтар. Бұл мүлдем санаға сыймайтын нәрсе. Сорақы ақымақтық жасады, енді бәрі түрмеде отыр. Бұл (БАӘ - ред. ескертпесі) мұндай мәнді-мағынасыз әрекеттермен айналысатын жер емес", - деді Дана Уайт.
Dana White calls Usman Nurmagomedov and Merab Dvalishvili “f*cking idiots” 😅 “Now they’re all in jail in Abu Dhabi.” https://t.co/5awLWPy5Uj
— Happy Punch (@HappyPunch) 13 қараша, 2026 жыл
Оқиға 2026 жылдың 11 қарашасында Real American Freestyle (RAF) турнирі қарсаңында қонақүй вестибюлінде болды. Мераб Двалишвили сұхбат беріп жатқанда, қасында бірнеше адамы бар PFL-дің жеңіл салмақтағы чемпионы Усман Нурмагомедов оның артынан келіп, сөзге келген соң грузин спортшысын шапалақпен тартып жіберген.
Бұл жағдай лезде екі тарап арасындағы жаппай қақтығысқа ұласқан.
🚨 Full footage of the scuffle between Usman Nurmagomedov and Merab Dvalishvili https://t.co/SGJzkQdFif
— Red Corner MMA (@RedCorner_MMA) November 11, 2026
Кейінірек Мераб беті қан-жоса болған видеосын жариялап, қарсыластарын "жыландар" деп атады және оларды жасырын шабуыл жасады деп айыптады.
"Мен қонақүй холында RAF үшін сұхбат беріп тұрғанымда, Усман мен оның достары жыланша жылжып келіп, мені және досымды ұра бастады. Күзетшілер мені ұстап тұрды, ал олар нағыз сорлылар сияқты біз жерде жатқанда тепкілеуін тоқтатпады. Сендер қандай жауынгерсіңдер? Нағыз еркек мұндай әрекетке бара ма?" - деп жазды Мераб Двалишвили.
🚨ЖАҢАЛЫҚ: Мераб Двалишвили Усман Нурмагомедов пен оның достарының шабуылы туралы айтты: "Қонақүй вестибюлінде RAF үшін сұхбат беріп жатқанмын, сол кезде Усман мен оның достары артымнан келіп, мені және жас досымды ұра бастады. Күзет мені ұстап тұрды — олар біз құлап жатқанда сорлылар сияқты тепкіледі".
— Red Corner MMA (@RedCorner_MMA) November 11, 2026
Әбу-Даби полициясы он адамның ұсталғанын растады: төбелеске қатысқан сегіз адам және болған жайтты видеоға түсірген екі адам.
#БіздіңЖаңалықтар | #ӘбуДабиПолициясы қонақүйлердің бірінің кіреберісінде болған төбелеске қатысқан 8 адамды және оны видеоға түсірген 2 адамды ұстап, істі прокуратураға жолдады. Толығырақ: https://t.co/dszDAIHAdD https://t.co/eqbssFEYv1
— شرطة أبوظبي (@ADPoliceHQ) November 12, 2026
Кейінірек БАҚ іс прокуратураға өткізілгенін хабарлады. БАӘ заңдары бойынша Усман Нурмагомедовке бір жылға дейін бас бостандығынан айыру немесе айыппұл салынуы мүмкін. Сондай-ақ үш немесе одан да көп адамнан тұратын топтың шабуылы ауырлататын мән-жай болып саналады.
😳 БАӘ-нің Қылмыс пен жаза туралы №31 Федералдық заңының 390-бабына сәйкес Усман Нурмагомедовке бір жылға дейін бас бостандығынан айыру немесе шамамен 2700 доллар айыппұл салынуы мүмкін. Бұл заң Мераб Двалишвилидің шағымынсыз-ақ, тек видео айғақтар негізінде қолданыла береді. Қазіргі уақытта полиция Усманды, сондай-ақ басқа да қатысушыларды жауапқа алуда. Егер полиция оның кінәсін дәлелдесе, ол жоғарыда аталған жазаларға тартылуы мүмкін. Сонымен қатар, 392-бап бойынша үш немесе одан көп адамнан тұратын топтың шабуылы жауапкершілікті ауырлататын жағдай ретінде қарастырылады.
— Home of Fight (@Home_of_Fight) November 11, 2026
Мерабтың Нурмагомедовтер командасымен текетіресі
Бұл жанжалдың өз тарихы бар. 2025 жылдың қаңтарында UFC 311 турнирінде Мераб Двалишвили төрешілердің бірауыздан шығарған шешімімен Умар Нурмагомедовті жеңіп, жеңіл салмақтағы чемпиондық атағын қорғап қалған болатын.
Сол жекпе-жектің алдында грузин спортшысы Умарды "ерке" деп атап, құрмет көрсетпегені үшін кінәлаған еді.
2026 жылдың жазында Грузияда өткен RAF турнирінде де қос тарап арасында қақтығыс болған: Двалишвили Нурмагомедовтер командасымен байланысы бар дағыстандық палуанды ұрып жіберген.
Кейбір мәліметтерге қарағанда, жанжал 🇬🇪 Мераб Двалишвилидің RAF палуанына, яғни 🇷🇺 Усман Нурмагомедовтың командасына жақын адамға шапалақ көтеруінен басталған. Усманның айналасындағылар есе қайтаруға келіп, соңы қонақүйдегі төбелеске ұласқан. https://t.co/2RB8kaEGC4
— MMA PROPAGANDE 👊🇫🇷 (@MMAPropagande) November 11, 2026
“Еркек емессіңдер!“: Махачев Нурмагомедов пен Двалишвили арасындағы дауға пікір білдірді
"Қазір Усман мен жігіттерді айыптап, балағаттап жатқандарға айтарым: Мераб дағыстандық палуанды еш себепсіз ұрып, оның намысына тигенде неге үндемедіңіздер? Ол жігіт оған еш жаман ойсыз, тек сөйлесу үшін жақындаған еді. Бүгінгі жағдай Мерабтың өз отанында қонақты ұрып, оның анасына тіл тигізу арқылы жауапкершілікті ұмытқан сәтінен басталды", - деп жазды Ислам Нурмагомедов пен Двалишвилидің төбелесінен кейін.
🚨 Ислам Махачев Мераб Двалишвилиге шабуыл жасаған Усман Нурмагомедовті қорғап, мәлімдеме жасады: "Қазір Усман мен жігіттерді айыптап, оларға тіл тигізіп жатқандарға айтарым: Мераб дағыстандық балуанды еш себепсіз ұрып, оның намысына тигенде неге үндемедіңіздер? Ол кісі ешқандай жаман ойсыз, тек сөйлесу үшін жақындаған еді. Бүгінгі жағдайды Мераб өз отанында қонаққа қол көтеріп, анасына тіл тигізу арқылы өзі бастады".
— Championship Rounds (@ChampRDS)November 11, 2026
Усман Нурмагомедовке RAF турниріне келуге тыйым салынды. Мераб Марлон Мораеспен, ал Умар Юрайя Фейбермен жұдырықтасуы керек еді. Қазіргі уақытта ұстау шараларына байланысты олардың қатысу-қатыспауы белгісіз болып отыр.
🚨 @MMAFighting мәліметінше, Усман Нурмагомедовке осы демалыста өтетін RAF Abu Dhabi турниріне қатысуға ТЫЙЫМ САЛЫНДЫ. Оның інісі Умар кард аясында Юрайя Фейберге қарсы өнер көрсетеді деп жоспарлануда: https://t.co/nmBCR0sgPl
— Championship Rounds (@ChampRDS)November 12, 2026
"Еркек емессіңдер!" Нурмагомедов пен командасы Абу-Дабиде Двалишвилиді соққыға жыққан