+7 (777) 001 44
99
Каталониялық "Барселона" әйелдер арасындағы Чемпиондар лигасының 2025/26 жылғы маусымының финалында француздық "Лионды" ойсырата жеңді. Кездесу Ослодағы (Норвегия) "Уллевол" стадионында өтті, деп хабарлайды Tengri Sport.
"Барселона" футболшылары Эва Пайор мен Сальма Паральюэло дубль жасаса, француз қыздары қарсылас қақпасына бірде-бір гол соға алмады. Матч 4:0 есебімен аяқталды.
Instagram-дағы бұл жарияланымды көру
Турнирдің алдыңғы кезеңдерінде каталониялық клуб мадридтік "Реалды" жалпы 12:2 есебімен, ал мюнхендік "Баварияны" 5:3 есебімен тізе бүктірген еді. "Лион" болса финалға барар жолда немістің "Вольфсбургін" 4:1, лондондық "Арсеналды" 4:3 есебімен жеңді.
Каталониялық клуб үшін бұл жеңіс әйелдер арасындағы Чемпиондар лигасындағы төртінші табыс болды. Былтыр да олар турнирдің финалына шыққан, бірақ "Арсенал" футболшыларынан 0:1 есебімен ұтылып қалған еді.
Ал француз клубы "Лион" бұл турнирдің ең атақты командасы саналады: олардың еншісінде сегіз трофей бар, соңғысын 2022 жылы жеңіп алған.
Instagram-дағы бұл жарияланымды көру
Бұған дейін "Барселона" мен Испания құрамасының вингері Ламин Ямаль көпшілік алдында алғаш рет жаңа сүйіктісімен бірге бой көрсеткен болатын.
Ал алматылық "Қайраттың" директоры Арман Биқұрманов Дастан Сәтпаев лондондық "Челсиге" ауысқаннан кейін клубтың жарық жұлдызын кім алмастыруы мүмкін екенін айтты.
Сонымен қатар Конго Демократиялық Республикасының футбол құрамасы ел аумағындағы Эбола вирусының өршуіне байланысты.
