Бивол - Бетербиев трилогиясы болуы мүмкін: чемпионның жекпе-жегі өтетін күн мен орны белгіленді

RCC Boxing промоутерлік компаниясының бас директоры Герман Титов телеарнаға берген сұхбатында бокс жұлдызы Дмитрий Биволдың келесі кездесуінің уақыты мен орны белгіленіп қойғанын айтты.

Ресейлік спортшы алдағы жекпе-жегін 12 желтоқсанда Екатеринбургтегі (Ресей) "УГМК Аренада" өткізеді.

Қарсыласы әзірге жарияланған жоқ, бірақ Биволда бірнеше нұсқа, соның ішінде Артур Бетербиевпен трилогия өткізу мүмкіндігі бар екені айтылды.

"Қазіргі уақытта біз Matchroom компаниясымен Биволдың болашағына қатысты келіссөз жүргізіп жатырмыз. Оның ішінде Артурмен трилогия тақырыбы да талқыланады. Сабыр сақтаңыздар, жақында бәрі белгілі болады. Әзірге мынаны айта аламын: бізде қазір күн мен орны белгілі – 12 желтоқсан, Екатеринбург, "УГМК Арена". Келіссөз жүріп жатыр, Дмитрий Биволдың қарсыласына қатысты бірнеше нұсқа бар", - деді Герман Титов.

Еске сала кетейік, Дмитрий Бивол кейінгі жекпе-жегін 30 мамырда Екатеринбургтегі (Ресей) RCC Boxing Promotions бокс кешінде өткізген болатын. Оның қарсыласы IBF бойынша міндетті үміткер Михаэль Айферт болды.

Қалған 11 раунд бойы чемпион басымдыққа ие болды, бірақ бұл басымдық айтарлықтай үлкен болмады: Айферт өзін сенімді ұстап, қауіпті шабуылдар жасап тұрды, дегенмен айтарлықтай жетістікке жете алмады.

Жекпе-жек аяқталғаннан кейін барлық төреші бірауыздан 120–107 есебімен Дмитрий Биволды жеңімпаз деп таныды. Тоқмақ тумасы Айфертке бірде-бір раунд берген жоқ.

Бивол - Бетербиев трилогиясын барлық жанкүйерлер күтіп жүр

Естеріңізге сала кетейік, боксшылар Дмитрий Бивол мен Артур Бетербиев рингте екі рет кездескен болатын, екі жекпе-жек те жартылай ауыр салмақтағы абсолют әлем чемпионы атағы үшін өтті.

Бірінші жекпе-жек 2024 жылдың 13 қазанында Эр-Риядта (Сауд Арабиясы) өтіп, төрешілер шешімімен Бетербиевтің жеңісімен аяқталды.

Қарымта кездесу де 2025 жылдың 22 ақпанында Эр-Риядта өтті. Боксшылар тағы да төрешілер шешіміне дейін жетті, бірақ Бивол есе қайтарып, "абсолют" титулын жеңіп алды.

Осыдан кейін үшінші жекпе-жек өздігінен сұранып тұрған еді, бірақ Биволдың командасы боксшы 2025 жылы рингке шыға алмайтынын мәлімдеді.

Бивол Бетербиевпен трилогиядан бас тарту себебін атады