"Челсидің" төрт футболшысы – Коул Палмер, Эстеван Виллиан, Ханна Хэмптон, Манака Мацукубо ресми түрде Гиннестің рекордтар кітабы сертификаттарына ие болды. Марапаттау рәсімі клубтың Кобхэмдегі (Англия) жаттығу орталығында өтті.
Коул Палмер Англия Премьер-лигасы тарихында матч басталғаннан кейінгі ең жылдам "мінсіз хет-трик" авторы ретінде рекорд орнатты.
"Эвертонға" қарсы матчте (6:0) ол 29 минут ішінде үш гол соқты.
Виллиан бразилиялық "Алтын доптың" (Bola de Ouro) ең жас иегері ретінде сертификат алды. Placar журналы Бразилия чемпионатының үздік ойыншысына беретін бұл марапатты ол "Палмейрастағы" маусым қорытындысы бойынша 17 жас 229 күнде жеңіп алды.
Ханна Хэмптон Англия әйелдер суперлигасында (WSL) 100 матчтік межені бағындырған ең жас қақпашы деп танылды. "Челси" мен Англия құрамасының қақпашысы бұл көрсеткішке "Эвертонмен" (5:0) ойында 23 жас 353 күнде қол жеткізді.
Манака Мацукубо АҚШ-тың Ұлттық әйелдер футбол лигасында (NWSL) хет-трик жасаған ең жас футболшы ретінде рекорд орнатты. Жапондық жартылай қорғаушы "Норт Каролина Кэридж" сапында "Бэй" клубына қарсы матчте 21 жас 81 күнде үш гол соққан, бұл жетістік Эстеван Виллиан сияқты оның "Челсиге" ауысқанға дейінгі кезеңіне тиесілі.