Чимаев атышулы реванш өткізеді: олардың алғашқы кездесуі дау туғызған болатын

Фото: x.com/KChimaev

Орта салмақта UFC рейтингінің көшбасшысы, промоушеннің бұрынғы чемпионы Хамзат Чимаев RAF лигасында бразилиялық Гилберт Бернспен реванш өткізеді, - деп хабарлайды Tengri Sport.

UFC-дің танымал файтері, БАӘ атынан шығатын шешен спортшысы Хамзат Чимаев RAF күрес лигасында бразилиялық Гилберт Бернспен қарымта кездесу өткізеді. Жекпе-жек 18 қыркүйекте Майамиде (Флорида штаты, АҚШ) өтетін RAF 13 турнирінде болады және кештің басты оқиғаларының біріне айналмақ.

Instagram-дағы бұл жарияланымды көру

Real American Freestyle (@rafwrestlingusa) жарияланымы

Чимаев пен Бернс UFC-де кездескен болатын

Хамзат Чимаев пен Гилберт Бернс арасындағы жекпе-жек 2022 жылдың 9 сәуірінде Джексонвиллде (Флорида штаты, АҚШ) өткен UFC 273 турнирінде ұйымдастырылып, жылдың ең тартысты әрі көп талқыланған кездесулерінің бірі болды.

Алғашқы минуттардан бастап Чимаев бірден алға ұмтылып, Бернсті торға тақап, партерге түсіруге тырысты. Бернс қорғанып, қайтадан тік тұрып айқасты. Раунд соңында Чимаев жойқын соққысымен Бернсті нокдаунға түсіріп, жерде соққының астына алды, бірақ бразилиялық шыдас беріп, қайта тұрды.

Екінші раундта Бернс жағдайды толығымен өз қолына алды. Оның соққылары дәлірек әрі жойқын болып, Чимаевты бірнеше рет есеңгіретіп тастады. Раунд соңындағы қуатты соққы "Борзды" тордың жанында нокдаунға түсірді. Чимаев әрең тұрып, партерге ауысуға тырысқанымен, айтарлықтай есеңгіреп қалғандай көрінді.

Үшінші кезеңге келгенде қос файтер де айтарлықтай шаршаған еді. Жекпе-жек қарқыны бәсеңдегенімен, айқас қыза түсті. Чимаев қысым көрсетуді жалғастырып, алға ұмтылды, партерге түсіруге тырысты. Бернс қарсы шабуылдармен жауап берді. Соңғы минуттарда екеуі де ауыр соққы алмасты.

Нәтижесінде жекпе-жек төрешілер шешіміне дейін жетіп, бірауыздан Чимаевтың жеңісімен аяқталды.

Неге Чимаев пен Бернс жекпе-жегі дау туғызды

UFC статистикасы бойынша Бернс көбірек маңызды соққы жасаған (Чимаевтың 223 соққысының 108-іне қарсы 200 соққының 119-ы) және жоғары дәлдік көрсеткен (48 пайызға қарсы 59 пайыздан жоғары). Ал Чимаевтың үш талпыныстан екі сәтті тейкдауны болды және партерде бақылау уақыты көбірек болды (Бернстің нөлге жуық көрсеткішіне қарсы шамамен 2:23 минут).

Robbery. Burns outstruck Chimaev. Won 2 and 3. Its funny how Chimaev absorbed 1 Significant strike in 4 fights, and now ate 119 in one fight 😂 pic.twitter.com/6jYkTAj9vB
— Tegaton (@princetegaton) April 10, 2022

Бұл жекпе-жек өте тең дәрежеде және ауыр өтті. Көрермендер мен сарапшылардың жеңімпазға қатысты пікірі екіге бөлінді, тіпті бразилиялықты жеңісінен "айырды" деген пікірлер жиі айтыла бастады. Оның пайдасына айтылатын басты уәж - Бернстің қарсыласына айтарлықтай зақым келтіруі. Бернс нақтырақ соққылар жасап, әсіресе екінші раундта Чимаевты екі рет қатты есеңгіреткен.

Khamzat Chimaev only absorbed 1 significant strike in his 4 UFC fights prior to tonight.

He absorbed 119 significant strikes tonight. pic.twitter.com/7jo74mXKmc
— MMA History Today (@MMAHistoryToday) April 10, 2022

Сондай-ақ үшінші раундқа қатысты төрешілердің шешімі де қызу талқыланды. Көпшілікке бұл кезең күмәнді болып көрінді: Бернс те көп соққы тигізді, ал Чимаев айқын басымдықсыз тек алға қарай қысым жасаумен болды.

Fights like this are why we love this sport. Two gladiators leaving it all on the line. Gilbert Burns, Khamzat Chimaev, THANK YOU #UFC273 pic.twitter.com/nBNzvlctrq
— Nisar (@nis4r) April 10, 2022