+7 (777) 001 44
99
Дереккөздің мәліметінше, Дональд Трамп ФИФА басшысы Джанни Инфантиноны БҰҰ-ны басқаруға қажетті барлық қасиетке ие деп санайды.
Америкалық көшбасшы Инфантиноның түрлі адамдармен тіл табыса білу қабілетін жоғары бағалап, ФИФА президентін көптеген елде құрметтейтінін атап өтті.
"ФИФА президенті мен БҰҰ Бас хатшысы лауазымдарының арасында белгілі бір ұқсастық бар. Біріккен Ұлттар Ұйымында сізге 193 мүше мемлекетпен жұмыс істеуге тура келеді. Ал ФИФА-да олардың саны 200-ден асады, Джаннидің әсерлі тәжірибесі оның мұндай құрылымдарды басқара алатынын көрсетеді", - деп келтіреді дереккөз АҚШ-тың жаһандық серіктестік мәселелері жөніндегі арнайы өкілі Паоло Дзамполлидің сөзін.
Трамп Әлем чемпионатынан кейін ФИФА басшысы Джанни Инфантиноны БҰҰ Бас хатшылығына ұсынғысы келедіhttps://t.co/wHp0hYzU60 pic.twitter.com/99dIrDrUSC
— New York Post (@nypost) July 21, 2026
Айта кетейік, АҚШ көшбасшысы Дональд Трамп пен ФИФА президенті Джанни Инфантино арасындағы қарым-қатынас 2026 жылғы футболдан әлем чемпионатының дайындық кезеңінде айтарлықтай нығайған болатын.
NY Post хабарлауынша, Трамп ФИФА президенті Джанни Инфантиноның Біріккен Ұлттар Ұйымының келесі Бас хатшысы болғанын қалайды.
— Republicans against Trump (@RpsAgainstTrump) July 21, 2026
Трамп Инфантиноны "бүкіл әлем сыйлайды және оның адамдарды біріктірудегі ерекше қабілетін мойындайды" деп есептейді, дейді жақын дереккөз…pic.twitter.com/h0ptJtD93h
Сондай-ақ БҰҰ-ның жаңа Бас хатшысын сайлау биыл Антониу Гутерриштің өкілеттік мерзімі аяқталғаннан кейін өтуі тиіс екенін айта кетейік. Бұл лауазымға ие болу үшін кандидат Қауіпсіздік Кеңесінің, соның ішінде вето құқығы бар барлық бес тұрақты мүшенің қолдауына ие болып, содан кейін Бас Ассамблеяның мақұлдауын алуы керек.
Дональд Трамп Джанни Инфантиноның Антониу Гутерриштің орнына БҰҰ Бас хатшысы болғанын қалайды
— VozesDoDesporto (@vozesdodesporto) July 21, 2026
Әзіл өз-өзінен шығып тұр.pic.twitter.com/viF3f01Lpu
Еске сала кетейік, Джанни Инфантино ФИФА-ны 2016 жылдан бері басқарып келеді және 2023 жылы жаңа мерзімге қайта сайланды. Сонымен қатар оның БҰҰ Бас хатшысы лауазымына ұсынылуы туралы ресми растау әлі шыққан жоқ.
Instagram-дағы бұл жарияланымды көру
Бұған дейін Әлем чемпионатының финалынан кейін қарсыласын соққан аргентиналық жартылай қорғаушы Леандро Паредестің жазадан құтылып кеткені белгілі болған еді.
Ал аргентиналық Лионель Месси Халықаралық футбол тарихы мен статистикасы федерациясының нұсқасы бойынша әлем чемпионатының үздік ойыншысы деп танылды.
