+7 (777) 001 44
99
Екінші турдың алғашқы ойын күнінде бірден екі алаң иесі шығады.
Мексикалықтар Оңтүстік Кореямен ойында жеңісті жолын жалғастыруға тырысса, Канада Қатармен күш сынасады.
Күннің шымылдығын А тобындағы соңғы орын үшін Чехия мен ОАР арасындағы айқас ашады, ал В тобында алаңға турнирдегі Қазақстан премьер-лигасының жалғыз өкілі - "Астананың" босниялық легионері Иван Башич шығады.
Instagram-дағы бұл жарияланымды көру
A және B топтарындағы жағдай
Айта кетейік, Мексика - Оңтүстік Корея матчінің жеңімпазы плей-офф кезеңіне жолдаманы мерзімінен бұрын иеленеді - команда екі турдан кейін алты ұпай жинайды. Ал келесі топта бірінші турдан кейін толық тепе-теңдік орнаған, сондықтан әзірге ешқандай нәтиже кепілдік бермейді.
А тобы
- Мексика - 3 ұпай;
- Оңтүстік Корея - 3 ұпай;
- Чехия - 0 ұпай;
- ОАР - 0 ұпай.
В тобы
- 1-4. Швейцария - 1 ұпай;
- 1-4. Канада - 1 ұпай;
- 1-4. Қатар - 1 ұпай;
- 1-4. Босния және Герцеговина - 1 ұпай.
18 және 19 маусымдағы матчтер кестесі
18 маусым
- 21:00. Чехия - ОАР;
- 23:50. Швейцария - Босния және Герцеговина.
19 маусым
- 03:00. Канада - Қатар;
- 06:00. Мексика - Оңтүстік Корея.
Футболдан әлем чемпионаты матчтерінің трансляциясы
Ойын күніндегі барлық матчтерді Qazsport, сондай-ақ телеарна сайты тікелей эфирде көрсетеді.
Бұдан бөлек, Швейцария - Босния және Герцеговина, сондай-ақ Канада - Қатар кездесулері Qazaqstan эфирінде және сайтында тікелей эфирде көрсетеді.
Instagram-дағы бұл жарияланымды көру
Еске салайық, футболдан әлем чемпионаты 11 маусым мен 20 шілде аралығында АҚШ, Мексика және Канадада өтіп жатыр.
