Эрлинг Холанд 2026 жылғы Әлем чемпионатының жеңімпазын атады

Норвегия ұлттық құрамасының жұлдызды шабуылшысы Эрлинг Холанд қай команда әлем чемпионы атануы мүмкін екені туралы пікір білдірді, - деп хабарлайды Tengri Sport.

Сенегал құрамасымен өткен ойыннан кейін Норвегия командасының шабуылшысы Эрлинг Холанд Франциямен болатын алдағы матч туралы айтты.

Футболшы бұл кездесуге бола уайымдамайтынын, өйткені команда топтан шығу үшін жеткілікті жұмыс атқарғанын мәлімдеді. Дегенмен ол француздар оларды жеңіп, соңында 2026 жылғы Әлем чемпионаты кубогін иеленетініне сенім білдірді.

"Шыны керек, қазір бұл матч мені аса толғандырмайды! Біз келесі кезеңге өттік - әрі қарай жылжудың сәті түсті, бұл ғаламат, сондықтан бұл ойынға аса қызығушылығым жоқ. Олар бізді жеңіп, турнирде топ жаратын шығар", - деді Холанд.

Холандтың дублі Норвегияны 2026 жылғы Әлем чемпионатының плей-офф кезеңіне шығарды

Еске салайық, 23 маусымға қараған түні Норвегия құрамасы 2026 жылғы футболдан әлем чемпионатының I тобындағы екінші тур матчінде Сенегал командасын жеңді. Кездесу 3:2 есебімен аяқталды.

Бұл кездесуде Холанд 48 және 58-минуттарда дубль авторы атанды. Норвегияның тағы бір голын 43-минутта қорғаушы Маркус Педерсен соқты. Сенегалдықтар сапынан Исмаила Сарр 53 және 90+3-минуттарда көзге түсті.

Осы жеңістің арқасында Норвегия 1/16 финалға жолдама алды. Топтық кезеңнің қорытынды матчінде қос құрама бірінші орын үшін таласады.