+7 (777) 001 44
99
Ойын күнінің қорытынды кездесуінде әлем чемпионатының J тобындағы екі аутсайдер - Иордания мен Алжир құрамалары кездесті, деп хабарлайды Tengri Sport.
Қос команда да алғашқы матчтарында жеңіліс тауып, бұл жолы ұтылған жағдайда плей-офф кезеңіне шығу мүмкіндігінен іс жүзінде айырылатын еді.
Бұл ретте Алжир құрамасы кездесудің фавориті саналды: олардың ФИФА рейтингіндегі көрсеткіші қарсыластарынан 34 сатыға жоғары (31-орын мен 65-орын).
Бұдан бөлек, Transfermarkt бағалауы бойынша алжирліктердің құрамы иорданиялықтардан 12 есе қымбат (256 миллион еуро мен 20 миллион еуро).
Иордания - Алжир: ойын барысы
Матчтегі есеп 36-минутта ашылды - Иордания құрамасының жартылай қорғаушысы Низар Махмуд әл-Рашдан гол соқты.
Осыдан кейін алжирліктер бастаманы өз қолдарына алып, допқа көбірек иелік еткенімен, тек екінші таймның ортасында ғана есепті теңестіре алды. 69-минутта Надир Бенбуали қапталдан асырылған допты сәтті түйіндеп, таразы басын теңестірді.
Ал 82-минутта Амин Гуири Иордания қақпасына екінші голды салды.
J тобындағы командалардың жағдайы
Еске сала кетейік, осы топтағы екінші турдың алғашқы матчінде Аргентина құрамасы Австрияны сенімді түрде жеңіп, мерзімінен бұрын келесі кезеңге жолдама алған болатын.
- Аргентина - 6 ұпай;
- Австрия - 3 ұпай (0);
- Алжир - 3 ұпай (-2);
- Иордания - 0 ұпай.
Айта кетейік, ұпайлар тең болған жағдайда топтағы орын қосымша көрсеткіштер бойынша анықталады. Қазір доп айырмашылығы бойынша Австрия алда тұр, бірақ олар Алжирмен бетпе-бет кездесу өткізеді. Топтан тікелей шығу үшін австриялықтарға тең есеп те жеткілікті, ал Алжирге тек жеңіс қажет.
Ал Иордания құрамасына келер болсақ, олар плей-оффқа шығу мүмкіндігінен айырылды. Бұған дейін Гаити, Түркия және Тунис командалары турнирдің "сәтсіздері" қатарына қосылған болатын.
Instagram-дағы бұл жарияланымды көру
