Хоккейден Әлем чемпионаты: Мажарстан - Англия матчі тарихи жеңіспен аяқталды

Мажарстан хоккей құрамасы Ұлыбритания қақпасына жауапсыз бес шайба соғып, 1939 жылдан бергі ең ірі жеңісіне қол жеткізді, деп хабарлайды Tengri Sport тілшісі Vesti.kz басылымына сілтеме жасап.

Ойын Швейцарияда өтіп жатқан элиталық дивизиондағы әлем чемпионаты топтық кезеңінің үшінші туры аясында ұйымдастырылған.

Шайбаларды Кристиан Надь (3 және 55-минут), Доман Сенгот (19-минут) және Иштван Тербоч (24 және 54-минут) соқты.

"Мажарстан 1939 жылдан бері элиталық дивизиондағы әлем чемпионаттары тарихындағы ең ірі жеңісіне қол жеткізді. Сол кезде олар Бельгияны 8:1 есебімен ұтқан болатын", - деп жазады басылым.

Еске сала кетейік, турнир қорытындысы бойынша топтарда соңғы екі орынды иеленген командалар төменгі топқа түсіп, хоккейден әлем чемпионатының бірінші дивизионында ойнайды.

Осы жеңістің арқасында венгрлер элиталық дивизиондағы орнын сақтап қалды. Үш турдан кейін немістер мен британдықтарда 0 ұпайдан ғана бар.

Әлем чемпионаты 15-31 мамыр аралығында Цюрих пен Фрибургте өтеді.

Қазақстан құрамасы әлем чемпионатында

Айта кетейік, өткен жылы хоккейден Қазақстан құрамасы Мажарстан командасынан жеңіліп, элиталық дивизиондағы орнын сақтап қала алмаған болатын.

Биыл Талғат Жайлауовтың жетекшілігіндегі команда бірінші дивизионда өнер көрсетіп, барлық матчте жеңіске жетті және хоккей элитасына қайта оралды.