Испания құрамасы ӘЧ жартылай финалындағы жеңісінен кейін тарихи рекордты қайталады

Фото: actionsports/depositphotos.com

Испания құрамасы футболдан әлем чемпионатының финалына шығып, жеңіліссіз серия бойынша таңғажайып рекордты қайталады, деп хабарлайды Tengri Sport.

Футболдан әлем чемпионатының жартылай финалында Испания құрамасы Франция ұлттық командасын жеңіп, мундиальдың алғашқы финалисі атанды.

Жеңістен кейін "қызыл фурия" Италия құрамасының жеңіліссіз серия бойынша рекордын қайталады - 37 матч (28 жеңіс және 9 тең ойын).

37 - Испания барлық турнирде 37 ойын бойы жеңілмей (28Ж 9Т), Еуропа елдері арасындағы тарихтағы ең ұзақ жеңіліссіз серия рекордын қайталады (Италия да 2018 жылғы қазан мен 2021 жылғы қыркүйек аралығында 37 матч өткізген).

Төзімділік. pic.twitter.com/RG7LK3dmM3
— OptaJoe (@OptaJoe) Шілде 14, 2026

Испания Францияны ӘЧ-2026 турнирінен шығарып жіберді

Кездесуде есепті испаниялықтар ашты. Ламин Ямаль пенальти еншілеп, оны шабуылшы Микель Оярсабальға берді. Шабуылшы қақпаны дәл көздеп, алғашқы голды соқты.

Кейінірек, 58-минутта қорғаушы Педро Порро командасының басымдығын арттыра түсті.

Кездесудің қорытынды есебі - 2:0.

Instagram-дағы бұл жарияланымды көру

Selección Española Masculina de Fútbol (@sefutbol) жарияланымы

Осылайша, Испания құрамасы футболдан әлем чемпионатының алғашқы финалисі болды. Басты халықаралық трофей үшін өтетін матч 20 шілдеде өтеді, ал қарсылас 16 шілдеге қараған түні анықталатын Англия - Аргентина жұбының жеңімпазы болмақ.