Испания Португалияны жеңгеннен кейін Гиннесстің ерекше рекордын орнатты

Гиннестің рекордтар кітабы баспасөз қызметі Испания құрамасының бірегей жетістігін атап өтті.

Олар футболдан әлем чемпионатындағы "құрғақ" серияның ұзақтығы бойынша рекордты жаңартты.

Бұған дейінгі рекорд Швейцарияға тиесілі болатын (559 минут).

2026 жылғы Әлем чемпионатында Луис де ла Фуэнте баптайтын Испания құрамасы мығым қорғаныс көрсетіп келеді.

Испания - Кабо-Верде (0:0)

H тобының алғашқы матчінде Кабо-Вердеге қарсы ойында испандықтар басымдыққа ие болғанымен, турнир дебютантының қақпасын түрте алмады. Унаи Симон сенімді ойын көрсетті, ал команда өзінің аңызға айналған "құрғақ" сериясын бастады.

Испания - Сауд Арабиясы (4:0)

Сауд Арабиясымен өткен кездесуде Испания қарсыласын тас-талқан етіп, шабуылда жарқын ойын үлгісін көрсетті. Бірнеше әдемі гол командаға алғашқы үш ұпайды сыйлады және гол жібермеу сериясын сенімді жалғастыруға мүмкіндік берді.

Уругвай - Испания (0:1)

Топтағы шешуші матчте уругвайлықтар қарсылық көрсеткенімен, Испания қорғанысын бұза алмады. Жалғыз гол жеңіс пен топтағы бірінші орынды қамтамасыз етті, ал гол жібермеу сериясы одан әрі жалғасты.

Испания - Австрия (3:0)

Плей-офф кезеңінің алғашқы матчінде испандықтар австриялықтарды айқын басымдықпен жеңді. Шабуыл шебі нәтижелі жұмыс істесе, Симон Әлем чемпионатындағы "құрғақ" серияның ұзақтығы бойынша жаңа рекорд орнатып, оны бірнеше матчқа ұзартты.

Испания - Португалия (1:0)

Еске сала кетейік, Испания құрамасы Португалияны 2026 жылғы әлем чемпионатынан шығарып жіберді. Кездесу тағдырын 90+1-минутта қосалқы құрамнан шыққан испандық Микель Мерино соққан жалғыз гол шешті.