+7 (777) 001 44
99
Бокс әлемін суыт хабар дүр сілкіндірді. "Орыс Тайсон" деген лақап атпен танымал ресейлік ауыр салмақтағы боксшы Денис Бойцов 40 жасында қайтыс болғаны белгілі болды.
"Ресейлік Тайсон" атанған ауыр салмақтағы бұрынғы үміткер Денис Бойцов 40 жасында дүниеден өтті. Бойцов 36-1 есебімен рекорд орнатқан, бірақ 2015 жылы ауыр ми жарақатын алып, тұрақты күтімді қажет ететін күйге түскен еді. Әкесі оның 17 қазанда Ресейдегі үйінде жарақат асқынуынан қайтыс болғанын растады. Бақұл бол, Денис. 🕊️🥊
— World Boxing News (@WorldBoxingNews) 17 қазан, 2026
Денис Бойцовтың қайғылы оқиғасы 2015 жылдың мамырында басталды. Сол кезде 29 жастағы боксшы Берлин метросының "Бисмаркштрассе" және "Вильмерсдорфер-штрассе" бекеттері арасындағы жолдан ес-түссіз күйде табылған. Оның басы мен қолы ауыр жарақаттанған еді.
Спортшы жасанды комаға түсіп, бірнеше ота жасалды. Алайда ол толық айыға алмады: өмірінің соңғы жылдарында Бойцов жүре де, сөйлей де алмай, жақындарымен негізінен ым-ишара арқылы түсінісетін. Оқиғаға кінәлілер ресми түрде әлі анықталған жоқ.
Кездейсоқ жұмбақ: Денис Бойцов 11 жылдық қайғылы арпалыстан кейін көз жұмды https://t.co/FynjmBmgqV
— World Boxing News (@WorldBoxingNews) 19 қазан, 2026 жыл
Денис Бойцов бокс жұлдызы болған
Денис Бойцов 1986 жылы 14 ақпанда Орёл қаласында (Ресей) дүниеге келген. Бокспен бес жасынан бастап айналысқан. Әуесқой рингте 130 жекпе-жек өткізіп, 115 жеңіске жеткен. Оның жетістіктері арасында кадеттер (2001 және 2002 жылдар) мен жасөспірімдер (2004 жыл, аса ауыр салмақ) арасындағы әлем чемпионаттарының алтын медальдары бар.
Кәсіпқой боксқа 2004 жылы ауысып, негізінен Германияда өнер көрсетті. Агрессивті стилі, жойқын соққысы және мерзімінен бұрын жеңістерінің көптігі оған тез арада "Орыс Тайсон" деген лақап ат алып берді.
Бойцов өз мансабында 37 кәсіпқой жекпе-жек өткізді: 36 жеңіс (оның 27-сі нокаутпен) және бір жеңіліс. Ол ауыр салмақта WBC Youth, WBA Intercontinental және WBO European титулдарын иеленді. Ұзақ уақыт бойы жеңіліс көрмей, әлем чемпионы атағына басты үміткерлердің бірі, соның ішінде Владимир Кличконың ықтимал қарсыласы ретінде қарастырылды.
Бокс әлемі Денис Бойцовты жоқтауда. Ауыр салмақтың бұрынғы жұлдызы небәрі 40 жасында қайтыс болды. https://t.co/SgC3aNz02s https://t.co/PauIBWdnJb
— heute.at (@Heute_at) 18 қазан, 2026 жыл
2012 жылдың аяғында Денис Бойцов пен Тайсон Фьюри арасындағы жекпе-жек мәселесі алқыланған. Кездесу іріктеу кезеңі ретінде жоспарланған және қос боксшы үшін де маңызды қадам болуы тиіс еді. Алайда жекпе-жек өтпей қалды: Бойцов дайындыққа уақыттың аздығын алға тартып, кездесуден бас тартты.
ШҰҒЫЛ: Бір кездері Тайсон Фьюримен жұдырықтасуы тиіс болған боксшы Денис Бойцов 40 жасында қайтыс болды https://t.co/mAUjpho7bO
— Sun Sport (@SunSport) 18 қазан, 2026 жыл
Аңызға айналған боксшы өмірден озды: ол бірде-бір рет нокдаунға түспеген
