+7 (777) 001 44
99
Франция футболшылары 0:2 есебімен есе жіберіп, қатарынан үшінші рет мундиаль финалына шығу мүмкіндігінен айырылды. Сәтсіз нәтижеге қарамастан, Макрон командаға алғыс айтты.
"Испанияны финалға шығуымен құттықтаймын! Туымыздың түсін жанқиярлықпен қорғаған командамызға рақмет. Бүгінгі жеңілісті қабылдау қиын, бірақ бұл команда әлі жас әрі болашағы зор", - деп жазды Франция көшбасшысы X желісінде.
Макронның жазбасы бір түнде 1,4 миллион қаралым мен мыңдаған пікір жинады. Олардың бір бөлігі испандықтардың алғысы мен елдің бұрынғы премьер-министрінің сөздері үшін кешірім сұраған жазбалары болды.
"Макрон мырза, құттықтауыңызға үлкен рақмет. Франция жартылай финалда лайықты өнер көрсетті. Сонымен қатар, Мариано Рахой мырзаның орынсыз мақаласы үшін сізден және бүкіл Франция қоғамынан кешірім сұрағым келеді. Біз нәсілшілдік және ксенофобиямен күресеміз. Рақмет!" - деп жазды Испания құрамасының жанкүйерлерінің бірі.
Еске салайық, Рахой матч қарсаңында Франция құрамасында "бірде-бір француз жоқ" деп мәлімдеп, әлеуметтік желілерде наразылық толқынын тудырған болатын.
"Өзін француз санайды": Испанияның бұрынғы премьер-министріне қатысты жаңа дау шықты
Айта кетейік, ӘЧ-2026 финалында Испания құрамасы Англия - Аргентина матчінің жеңімпазымен кездеседі. Ал француздар жеңілген командамен қола жүлдені сарапқа салады.
