“Көңілім толмайды“: Моуринью “Реал“ жұлдызының мас күйде көлік жүргізуіне қатысты дауға пікір білдірді

Фото: operations@newsimages.co.uk/depositphotos.com

Мадридтік "Реалдың" бапкері Жозе Моуринью жүргізуші куәлігінен айырылған қорғаушы Рауль Асенсиоға қатысты дауға пікір білдірді, - деп хабарлайды Tengri Sport.

Мадридтік "Реалдың" бас бапкері Жозе Моуринью жуырда мас күйде көлік жүргізгені үшін сегіз айға жүргізуші куәлігінен айырылып, 14 мың 400 еуро айыппұл арқалаған қорғаушы Рауль Асенсио айналасындағы даулы жағдайға қатысты қатаң пікір білдірді.

"Реал" ойыншысы - бұл тәулігіне 24 сағат, аптасына 7 күн және жылына 12 ай бойы "Реал" ойыншысы. Клубтан тыс жерде жасаған әрекеттеріңнің бәрі "Реалға" қатысты. Бұл клубтың мызғымас беделіне нұқсан келтіріп жатыр. Менің көңілім толмайды. Қателікті бәрі жібереді, бірақ қайталана берген қателік - бұл мүлдем басқа әңгіме", - деді Моуринью баспасөз мәслихатында.

МОУРИНЬЮ РАУЛЬ АСЕНСИО ТУРАЛЫ АЙТТЫ 💣

👉🏼 "Реал Мадрид ойыншысы - тәулігіне 24 сағат, аптасына 7 күн, жылына 12 ай бойы Реал Мадрид ойыншысы"

❌ "КӨҢІЛІМ ТОЛМАЙДЫ" pic.twitter.com/OL19OhR1Fv
- DAZN Fútbol (@DAZNFutbol) 2026 жылғы 3 қыркүйек

Оқиға 16 тамызда Гран-Канарияда (Испания) болғаны хабарланған еді. БАҚ мәліметі бойынша, полиция Асенсио тізгіндеген Porsche Macan GTS көлігін таңғы сағат 6:30 шамасында тоқтатқан.

Алкогольдік тест нәтижесі мөлшердің төрт есеге жуық артық екенін көрсетті. Футболшы жеделдетілген сот отырысында кінәсін мойындады.

🚨🎙️Жозе Моуринью: "Асенсио мас күйінде көлік жүргізді ме? Вальдебебаста Асенсио - ЖОҒАРҒЫ деңгейдегі кәсіби маман.

Ол бәрінен де көп жаттығады, бірінші келіп, соңғы болып кетеді, жарақаттан айығу үшін аянбай еңбек етеді және үлгілі кәсіпқой.

Бірақ, әрине, "Мадрид" ойыншысы болған кезде... pic.twitter.com/g9CMiDLCjc
- Ayuba | Football News (@ayubafootball) 2026 жылғы 3 қыркүйек

Мадридтік "Реал" маусымды Асенсиосыз қалай бастады?

Айта кетейік, негізгі қорғаушылардың бірі жарақатынан айығып жатқанда, мадридтік "Реал" маусымды қатарынан үш жеңіспен бастады: "Малага", "Реал Сосьедад" және "Эспаньолды" тізе бүктірді. Бұл ретте үш ойынның екеуінде команда өз қақпасына гол өткізіп алды.

Футболшының өзі қазір бұлшықет жарақатына байланысты ем алып жатыр және маусым басында "Реал" матчтеріне қатыспайды.