Ла Лига басшысына қатысты оқиғадан кейін “Реалдың“ басы дауға қалды: қандай жаза қолданылмақ?

Сурет © Tengrinews.kz / Болат Айтмолда

Ла Лига басшысына тіл тигізді деген оқиғадан кейін мадридтік "Реал" жазаланды. Испанияның зорлық-зомбылыққа қарсы күрес комиссиясы жанкүйерлердің баннері үшін клубқа 3 001 еуро айыппұл салуды ұсынды, деп хабарлайды Tengri Sport.

Оқиға 2026 жылғы 18 қазанда Мадридтегі (Испания) "Сантьяго Бернабеу" стадионында Ла Лиганың 9-турындағы "Реал" - "Севилья" матчі кезінде болған еді. Кездесу барысында жанкүйерлер "Бұл футбол емес, бұл - Тебас пен Негрейра" деген жазуы бар үлкен баннерді көрсетті.

Ла Лига президенті Хавьер Тебас пен бұрынғы төреші Хосе Мария Негрейраның ("Барселонаға" қатысты төрешілерге пара беру ісінің фигуранты) есімдері "Барселона" клубының түстерімен ерекшеленген. Баннермен қатар жанкүйерлер Тебасқа қарсы ұрандатты.

Жанкүйерлердің бұл акциясы "Реал" мен Ла Лига басшылығы арасындағы қарым-қатынас күрт шиеленісуіне байланысты болды. Матчтен бұрын мадридтік клуб Хавьер Тебас отставкаға кетуін ашық түрде талап еткен еді.

Лига президенті бұған жауап ретінде "Реал" басшылығын осы наразылық акциясын ұйымдастырды және арандатты деп айыптады.

Испанияның спорттағы зорлық-зомбылыққа қарсы комиссиясы "көрермендердің стадионға кіруі мен тәртібін бақылауда кемшіліктер болғанын" мәлімдеді. Комиссия пікірінше, клуб жанкүйерлер алдын ала ескертусіз және отқа төзімді материалдардан жасалғанын растайтын сертификатсыз баннерді алып кіруіне әрі оны көрсетуіне жол берген. Баннер матч кезінде үш рет көрсетілген.

Сондай-ақ, комиссия клубқа 3001 еуро (1,46 миллион теңге) көлемінде айыппұл салуды ұсынды.

Мадридтік "Реалдан" бөлек, комиссия Ла Лиганың басқа да клубтарын жазалау туралы ұсыныстар енгізді:

"Райо Вальекано" - 3001 еуро (1,46 миллион теңге)

"Эльчеге" қарсы матчте (24 қазан) жанкүйерлер алдын ала ескертусіз және өртке қарсы сертификатсыз 8 үлкен баннер ілген. Себебі сол баяғы - көрермендердің кіруін бақылаудағы кемшіліктер.

"Осасуна" - 30 мың еуро (14,6 миллион теңге)

Бұл - ең қомақты сома. Клубқа Indar Gorri ультрас тобымен байланысты жанкүйерлер топтарын қолдады (Sadar Bizirik ұжымы арқылы), анимация элементтерін қолдануға рұқсат берді және "Жанкүйерлерді тіркеу кітабын" дұрыс жүргізбеді деген айып тағылып отыр.

Комиссия "Райо Вальеканоға" қарсы матчті қосқанда, трибунадағы жанкүйерлерді ұйымдастырған адамдар арасында бұрын құқықбұзушылық жасағаны белгілі адамдар болғанын анықтады.

"Реал Бетис" - жалпы сомасы шамамен 35 мың еуро (шамамен 17 миллион теңге)

30 мың еуро Чемпиондар лигасының "Портуға" қарсы матчінде (14 қазан) бақылау жеткіліксіз болуы және бенгаль шамдары мен пиротехниканы қолданғаны үшін салынып отыр. Тағы 5 мың еуро 21 қазанда "Фейеноордқа" қарсы матчтегі осындай заңбұзушылықтар үшін салынған.

"Аз жаттықтым": "Реал" жұлдызы тосын мәлімдеме жасады

Пікірлер