Лионель Месси ӘЧ-2026 финалынан 10 күн өткенде алаңға шықты

Америкалық клуб мәліметінше, 39 жастағы Месси Әлем чемпионаты финалынан кейін небәрі 10 күн өткенде жаттығуды бастап кеткен.

"Әлем чемпионаты финалынан кейін 10 күн өткенде, ол MLS-тегі маусымын жалғастырып жатқан "Интер Майами" жаттығуларына оралды. Демалыстың қажеті жоқ. Оның ойынға деген құштарлығы таңғалдырады", - делінген "Интер Майами" жарияланымында.

Айта кетейік, 20 шілдеге қараған түні Аргентина құрамасы ӘЧ-2026 финалында Испания командасынан жеңіліп қалған болатын. Месси алаңда 120 минут бойы өнер көрсеткенімен, нәтижелі іс-әрекетімен көзге түсе алмады.

Месси қатысуы мүмкін "Интер Майамидің" алдағы матчі 2 тамызда өтеді.

Месси Әлем чемпионатының үздік ойыншысы деп танылды

Халықаралық футбол тарихы мен статистикасы федерациясының (IFFHS) нұсқасы бойынша 39 жастағы аргентиналық мундиальдің үздік футболшысы атанды.

IFFHS пікірімен жетекші статистикалық порталдар да келіседі. Дегенмен, ФИФА турнирдің үздік ойыншысы ретінде Испания құрамасы сапында жеңімпаз атанған жартылай қорғаушы Родриді атады.

Әлем чемпионатында Месси 8 гол соғып, 4 нәтижелі пас берді, бірақ сұрмергендер жарысында франциялық Килиан Мбаппеге (10 гол және 4 пас) жол берді.

Еске сала кетейік, Месси алғаш рет Әлем чемпионатын 2022 жылы жеңіп алса, 2026 жылы ұлттық құрамамен бірге үшінші рет финалға дейін жетті. Қазір ойнап жүрген футболшылар ішінде ешкім Әлем чемпионатының финалында мұншалықты көп өнер көрсетпеген.

Сезім емес, сандар бойынша: ӘЧ-2026-ның күтпеген үздік ойыншысы анықталды