Лионель Мессиді жаңа бапкер жаттықтырады: ол жұмысын қашан бастайды?

Маманның тағайындалғаны туралы 27-нен 28 тамызға қараған түні белгілі болды. Дегенмен бапкердің жаңа командадағы дебюті қашан болатыны әзірге белгісіз – клуб құжаттарға қатысты барлық ресми рәсімді әлі аяқтаған жоқ.

"Гонсалес тиісті жұмыс істеу рұқсатын алғаннан кейін ресми түрде өз міндетіне кіріседі. Жаңа бас бапкер мен оның жаттықтырушылар штабы келгенге дейін Гильермо Хойос команданы уақытша басқара береді. "Интер Майами" Хойосқа өткен жылдың сәуір айынан басталған кезеңде бұл лауазымды иеленуге дайындығы арқылы көрсеткен адалдығы мен клубқа берілгендігі үшін ерекше алғыс білдіреді", - делінген мәлімдемеде.

Альберто "Кили" Гонсалес туралы не белгілі?

"Интер Майамидің" жаңа бапкері бұған дейін Аргентинадан тыс жерде жұмыс істеп көрмеген. Осы уақытқа дейін оның мансабында "Росарио", "Унион" және "Платенсе" сынды үш команда болды.

Сонымен қатар ол ойыншы ретінде Италия ("Интер") мен Испанияда ("Валенсия" және "Реал Сарагоса") өнер көрсетіп үлгерген.

Сондай-ақ Гонсалес ойыншы ретінде Аргентина құрамасымен Америка Кубогының күміс жүлдесін және Олимпиада алтынын иеленген.

"Интер Майами" чемпиондық үшін таласып жатыр

Лионель Мессидің командасы чемпионаттың соңғы бес матчінде бір ғана жеңіске жетіп, Лига кубогынан шығып қалса да, титул үшін күресті жалғастырып жатыр.

Қазіргі уақытта "Интер Майами" Шығыс конференциясында "Нэшвиллден" кейін екінші орында келеді және плей-офф аймағынан шығып кетуі екіталай.

Өткен маусымда команда конференцияда үшінші орын алған болатын, бірақ кейін MLS плей-офф кезеңінде жеңіске жетіп, лига чемпионы атанды. Команданы тағы бір аргентиналық маман – Хавьер Маскерано жаттықтырған еді, бірақ ол сәуір айында жұмысын тоқтату туралы шешім қабылдады.