Мансабын аяқтаған Лионель Месси ұлттық құрамаға оралды

Команданың бас бапкері Лионель Скалони мен AFA президенті Клаудио Тапиа аңыз футболшыға қоштасу матчін ұйымдастыруды ұйғарған.

Ол үшін олар Мессиді алдағы жолдастық кездесулерге қатысатын құрамға қосты.

"Ұлттық құраманың бас бапкері Лионель Скалонимен сөйлескеннен кейін, біз әлемнің үздік ойыншысы, командамыздың символы әрі капитанымыз Лионель Мессиді 6 қазанда осында, Аргентинада өзіне лайықты қошеметпен шығарып салу үшін шақыруды жөн көрдік.

Оның үстіне, Лионельдің келісімін алып, біз онымен бірге 2022 жылғы Қатардағы турнирде өнер көрсеткен барлық әлем чемпионын (отбасыларымен бірге) осы матчке қатысуға шақырамыз. Бұл ойын барша аргентиналық жанкүйерлер үшін ұмытылмас оқиға болады, өйткені олар планетаның үздік ойыншысының "соңғы биіне" куә болады", - деді Тапиа.

Айта кетейік, Аргентина құрамасы өз алаңында үш жолдастық кездесуден тұратын серия өткізеді. 30 қыркүйек пен 6 қазан аралығында команда Боливия, Буркина-Фасо және Бенин құрамаларына қарсы ойнайды.

Месси құрамадағы мансабын аяқтайтынын мәлімдеген

Еске сала кетейік, әлемнің ең көп марапатқа ие футболшысы Лионель Месси 31 тамызда ұлттық құрамадағы мансабын аяқтайтынын жариялаған еді. Оның соңғы матчі Испанияға қарсы өткен әлем чемпионатының финалы болды.

Аргентина құрамасымен Месси үш рет әлем чемпионатының финалына шығып, тек бір рет - 2022 жылы жеңіске жетті. Сондай-ақ Мессидің еншісінде 2021 және 2024 жылғы екі Америка Кубогі, 2022 жылғы Финалиссима және 2008 жылғы Олимпиада алтыны бар.

Айта кетейік, Месси клубтық деңгейдегі мансабын жалғастырып жатыр: өткен демалыс күндері ол АҚШ-та "Интер Майами" сапында кезекті голын соқты - бұл жолы "Нэшвилл" қақпасын дәл көздеді.

Месси Аргентина құрамасындағы мансабын аяқтайтынын хабарлады

Бұған дейін Аргентинада Мессидің мансабын аяқтауына орай ішкі чемпионаттың барлық матчтерін 10-минутта тоқтату туралы шешім қабылданған болатын.