Месси құрамадағы мансабын аяқтағаннан кейін тарихи рекорд орнатты

Фото: actionsports/depositphotos.com

Америкалық "Интер Майами" клубының жұлдызды шабуылшысы Лионель Месси МЛС лигасының нәтижелілік бойынша тарихи рекордын орнатты, деп хабарлайды Tengri Sport.

Лионель Месси Жоғарғы футбол лигасы (Major League Soccer - МЛС) тарихында үш маусым қатарынан 30-дан астам нәтижелі іс-қимыл (гол мен нәтижелі пас) жасаған алғашқы ойыншы атанды.

Аргентиналық футболшы бұл жетістікке 6 қыркүйекте Форт-Лодердейлдегі (Флорида штаты, АҚШ) "Нью Стэдиум" стадионында өткен "Атланта Юнайтедке" қарсы матчте қол жеткізді.

Бұл кездесу оның ұлттық құрамадағы мансабын аяқтау туралы шешімінен кейінгі алғашқы ойыны болды.

🚨 ЖАҢАЛЫҚ: Біздің ең ұлы кумиріміз МЛС-те жаңа рекорд орнатты.

Ол лига тарихында 3 түрлі маусымда 30+ гол+пас жинаған жалғыз ойыншы. pic.twitter.com/YICphcetTB
— Barça Universal (@BarcaUniversal) September 7, 2026

Айта кетейік, матчте Лионель Месси нәтижелі пасымен көзге түсті. 32-минутта "Интер Майами" капитаны бұрыштамадан бразилиялық Каземироға сәтті пас асырып, соңғысы баспен бағыттаған соққысымен командасын алға шығарды.

Instagram-дағы бұл жарияланымды көру

Inter Miami CF (@intermiamicf) жарияланымы

Алайда жеңісті есепті сақтап қалу мүмкін болмады — матч 2:2 есебімен тең аяқталды.

Месси Аргентина құрамасындағы мансабын аяқтады

Еске сала кетейік, бұған дейін "Интер Майамидің" 39 жастағы шабуылшысы Лионель Месси Аргентина құрамасындағы мансабын аяқтайтынын мәлімдеген болатын.

Оның айтуынша, командадан кету туралы шешімді ол 21 шілдеде, Әлем чемпионатында Испаниядан жеңілгеннен кейін бірнеше күн өткен соң қабылдаған.

Месси ұлттық құрама сапында 207 матч өткізіп, 125 гол соқты. Осы уақыт ішінде Лионель 2022 жылғы әлем чемпионы, 2021 және 2024 жылдардағы Америка кубогінің иегері, 2022 жылғы Финалиссима жеңімпазы және 2008 жылғы Олимпиада чемпионы атанды.