+7 (777) 001 44
99
Басылымның мәліметінше, Атлантадағы халықаралық әуежайдың жұмысы найзағайға байланысты уақытша тоқтатылған.
"Аргентинаның бүкіл командасы мен делегациясы Хартсфилд-Джексон халықаралық әуежайының жұмысы қайта жанданғанша тығырыққа тіреліп отыр. Атланта мен Нью-Йорк арасындағы ұшу уақыты әдетте екі сағат 20 минутты құрайды.
Егер олар таңға дейін ұшып кете алмаса, команданың испандықтармен кездесу алдында Нью-Йоркте бір толық күннен сәл ғана астам уақыты қалады. Бұл кідіріс Аргентинаның финал алдындағы жаттығуларына бөлетін уақыт мөлшеріне әсер етеді", - деп жазады БАҚ.
Бұл ретте Аргентинаның финалдағы қарсыласы – Испания құрамасы Нью-Йоркке келіп қойған және жексенбі күнгі финалға дайындалып жатыр.
Тек 17 шілде күні таңертең Аргентина футбол федерациясының аккаунтында ұшаққа бет алған ұлттық құрама мүшелерінің бейнежазбасы пайда болды. Команданың ұшып шыққаны немесе жеткені туралы әзірге ақпарат жоқ.
Closer than ever 🗽🇦🇷 pic.twitter.com/lGv8lUVUoa
— Selección Argentina in English (@AFASeleccionEN) July 17, 2026
Испания - Аргентина: әлем чемпионатының финалына дейінгі жол
Еске сала кетейік, АҚШ, Мексика және Канадада өтіп жатқан футболдан әлем чемпионатының финалында қазіргі Еуропа чемпиондары – испандықтар мен қазіргі Америка кубогының иегерлері әрі әлем чемпиондары – Аргентина құрамасы ойнайды.
Екі команда да өз топтарында бірінші орын алып, 1/16 финалдан бастап ақтық сынға дейінгі ұзақ жолды еңсерді.
Бұл жолда испандықтар Австрия, Португалия, Бельгия және Францияны жеңді. Команда барлық матчті негізгі уақытта аяқтады.
Instagram-дағы бұл жарияланымды көру
Аргентина құрамасы Кабо-Верде, Мысыр, Швейцария және Англия командаларын қапы қалдырды, оның ішінде екі рет қосымша уақытта ойнады.
Instagram-дағы бұл жарияланымды көру
ӘЧ-2026 шешуші матчі Қазақстан уақытымен 19-нан 20-сына қараған түні өтеді.
