+7 (777) 001 44
99
Оқиға кездесудің 30-минутында, "Фронтера" 0:1 есебімен ұтылып жатқанда болды. Команда қақпашысы қарсыластың прессингінен құтылмақ болып, допты өз қақпасына теуіп жіберуді ең тиімді жол деп шешкендей көрінді.
"Кейін неге венесуэлалықтар ұлттық футболды қолдамайды деп сұрайды. Ол мүлдем жоқ қой! Ешқандай кәсіби лига немесе екінші лига атымен жоқ - бұл жартылай кәсіпқой лига";
"Меніңше, тіпті 10 жасқа дейінгі бала немесе ойыншы бұлай ойнамас еді... Автоголдың неше түрі болады, бірақ мынауың не?";
"Әлем чемпионатынан әбден шаршадым, бізге нағыз футбол керек";
"Көп нәрсені көрген шығарсыздар, бірақ мұндайды әлі көрмегендеріңізге сенімдімін", - деп жазады жанкүйерлер видеоға қалдырған пікірлерінде.
Матч 1:5 есебімен аяқталып, бұл автогол "Урена" үшін жеңіс голына айналды.
Қақпашының қателігін тек жанкүйерлер ғана емес, әлемдік ірі БАҚ өкілдері де сынға алды.
"Қақпашы допты өз қақпасына бағыттағанда жанкүйерлер есеңгіреп қалды! Бұл футбол тарихындағы тарихи сәт болды", - деп жазады The Sun.
"Сұмдық қателік пе әлде қулық па? Өз қақпасына ерекше гол соққан қақпашы күмән тудырды", - деп тақырып қойды latinus.us басылымы.
"Жолы болмаған қақпашы оғаш автогол соқты", - деп жазады Жаңа Зеландияның stuff.co порталы.
"Венесуэлада спорттық бәс тігуге қатысты күдік тудырған ерекше автогол", - деп сипаттады жағдайды Аргентинаның cuestionentrerriana порталы.
Коллаж: TengriSport.kz
Қазіргі уақытта клуб өз қақпашысына қатысты айтылған күдіктерге байланысты ресми мәлімдеме жасаған жоқ.
INSÓLITO el autogol del portero Sergio Avellaneda de Real Frontera en la Liga Futve 2 hace minutos. pic.twitter.com/GudSeYUuMw
— Mario Alberto Sánchez (@MarioSanchezVe) July 25, 2026
Бұған дейін алматылық "Қайрат" футболдан Қазақстан чемпионаты аясындағы матчте шымкенттік "Ордабасыны" жеңген еді.
Алматылық "Қайраттың" бас жаттықтырушысы Рафаэль Оразбахтин Канье Уэсттің концертіне байланысты Чемпиондар лигасының ықтимал матчін Алматыдан Түркістанға ауыстыру туралы пікір білдірді.
