“Ол қателік жіберді“ - Испания бапкері құрама жұлдызының ӘЧ алдындағы уәдесі туралы

Бейнеден кадрлар; actionsports/depositphotos.com

Испания құрамасының бас бапкері Луис де ла Фуэнте қорғаушы Марк Кукурельяның оның бейнесін тату қылып салатыны туралы айтқан сөзіне жауап берді, - деп хабарлайды Tengri Sport.

Бұған дейін испан қорғаушы Марк Кукурелья футболдан әлем чемпионатында жеңіске жеткен жағдайда, құраманың бас бапкері Луис де ла Фуэнтенің суретін татуировка етіп салдыратынын, сондай-ақ құрамадағы мансабын аяқтайтынын уәде еткен болатын.

"Егер біз жеңіске жетсек, мен де ла Фуэнтенің бейнесін татуировка етіп салдырамын, сондай-ақ құрамадағы мансабымды аяқтайтынымды жариялаймын. Әлем чемпионаты мен Еуропада жеңіске жеткеннен кейін ұтатын ештеңе қалмайды, сондықтан финалда басым түссек, дүйсенбі күні бапкерге қоңырау шалып, кететінімді айтамын", - деді Кукурелья финал алдында.

🚨😁 Марк Кукурелья: «Егер біз жеңсек, мен денеміне Де Ла Фуэнтенің суретін салдырамын және халықаралық футболдан кететінімді жариялаймын».

«Әлем кубогы, Еуро... тағы не істеуге болады? Дүйсенбіден бастап мен оған қоңырау шалып, бәрін тоқтататынымды айтамын». 🇪🇸 pic.twitter.com/baUzBkLdQZ
— Fabrizio Romano (@FabrizioRomano) 18 шілде, 2026 жыл

Әлем чемпионатының финалындағы жеңістен кейін ойыншы татуировканы көрнекті жерге салдыратынын, бірақ нақты қай жерге екенін әлі шешпегенін айтты.

"Луис де ла Фуэнтенің бейнесі бар татуировканы енді қай жерге салдыратынымды ойлануым керек! Мен оны көрнекті жерге жасаймын! Бұл туралы үйге ұшып бара жатқанда ойланамын", - деп келтіреді Кукурельяның сөзін инсайдер Фабрицио Романо.

😁🇪🇸 Марк Кукурелья: «Қазір Луис де ла Фуэнтенің татуировкасын қай жерге салдыратынымды ойлануым керек!».

«Мен оны көрінетін жерге жасаймын! Бұл туралы үйге қайту рейсі кезінде ойланамын». pic.twitter.com/nLZhyWt0DH
— Fabrizio Romano (@FabrizioRomano) 20 шілде, 2026 жыл

Бапкердің өзі болса, Кукурельяның сөзінде тұрғанын мақтан тұтатынын, бірақ мұндай татуировка үшін тым ашық жерді таңдамағаны дұрыс деп санайтынын мәлімдеді.

"Ол қателік жіберді, бірақ мен оның сөзінде тұрғанын мақтан тұтамын. Оған мұны тым байқалмайтын жерге орналастыру керек", - деді де ла Фуэнте баспасөз мәслихатында.

🗣️ Де ла Фуэнте ойыншылардан ТАТУИРОВКА туралы берген уәделерін орындауды сұрады

«Олар қателесті, бірақ мен олардың уәделерінде тұрғанына мақтанамын, тек оны тым қатты көрінбейтін жерге салса екен»#DAZNMundial pic.twitter.com/xGRtk2YSux
— DAZN España (@DAZN_ES) 20 шілде, 2026 жыл

Испания жеңісті жұлып алып, әлем чемпионы атанды

Еске сала кетейік, 2026 жылғы әлем чемпионатының алтын жүлдесі үшін өткен матч 20 шілдеге қараған түні Ист-Ратерфордтағы (Нью-Джерси штаты, АҚШ) "Метлайф" стадионында өтті.

Кездесу өте тартысты болды. Негізгі уақытта қос команда да есеп аша алмады, алайда жартылай қорғаушы Энцо Фернандестің алаңнан қуылғаны аргентиналықтарды азайтып қойды.

Экстра-таймдарда бәрі өзгерді. Алдымен испандықтар 97-минутта шабуылды голмен аяқтағанымен, төреші шабуыл кезіндегі ереже бұзушылыққа байланысты голды есептемеді.

Біраз уақыттан кейін олар жетістікті қайталады, 106-минутта Ферран Торрес ережеге сай аргентиналықтардың қақпасына доп соғып, өз командасын алға шығарды.

Бұл гол мундиаль финалындағы алғашқы әрі соңғы гол болды. Матч нәтижесі — 1:0 есебімен Испания құрамасы жеңіске жетті.