“Ол ойнауды жалғастырады“: Аргентина бапкері Месси туралы пікір білдірді

Фото: actionsports/depositphotos.com

Аргентина құрамасының бас бапкері Лионель Скалони 2026 жылғы әлем чемпионатының Испанияға қарсы финалынан кейін команда жұлдызы Лионель Месси туралы пікір білдірді, деп хабарлайды Tengri Sport.

Матчтен кейінгі сұхбатында аргентиналық маман команда капитаны, жұлдызды шабуылшы Лионель Мессиге тоқталды.

Бапкер Әлем чемпионатының финалындағы жеңіліске қарамастан, ол бәрібір үздік ойыншы болып қала беретінін және өзін мақтан тұтуға лайықты екенін атап өтті.

"39 жас, жігіттер. Бұл адам сенгісіз жағдай. Өз тарапымнан оның мансабын аяқтау туралы шешім қабылдағанға дейін ойнай беретінін жақсы білдім және бұған кәміл сенімді болдым. Оның командаластары мен айналасындағылардың бәрі ол үшін барын салады. Ол өз командаластарын мақтан тұтады деп үміттенемін.

Сондай-ақ халық та өз ұлттық құрамасын, оны және оның жасаған барлық еңбегін мақтан етеді деп сенемін. Менің ойымша, ол - футбол алаңына шыққан тарихтағы ең үздік ойыншы. Оның бұл әлем чемпионатында көрсеткені таңғалдырарлық болды, бірақ бұл мен үшін ештеңені өзгертпейді, өйткені оның мәртебесі бұған дейін-ақ айқындалып қойған болатын", - деді Скалони.

🚨🗣️ Лионель Скалони Месси туралы:

"39 жас, жігіттер... Бұл ақылға сыйымсыз. Мен оның өзі тоқтатуды ұйғарғанша ойнай беретінін жақсы білдім және бұған толық сенімді болдым. Ұлттық құрамадағы командаластары мен оның айналасындағылардың бәрі ол үшін жан қиюға дайын..."
— MessiXtra (@MessiXtraHQ) 19 шілде, 2026 жыл

Месси чемпиондыққа қол жеткізудің соңғы мүмкіндігін жіберіп алды

Еске сала кетейік, 2026 жылғы әлем чемпионатының алтын жүлдесі үшін өткен матч 20 шілдеге қараған түні Ист-Ратерфордтағы (Нью-Джерси штаты, АҚШ) "Метлайф" стадионында өтті.

Кездесу өте тартысты болды. Негізгі уақытта қос команда да есеп аша алмады, алайда жартылай қорғаушы Энцо Фернандестің алаңнан қуылғаны аргентиналықтарды азшылықта қалдырды.

Экстра-таймдарда бәрі өзгерді. Алдымен испандықтар 97-минутта шабуылды голмен аяқтағанымен, төреші шабуыл кезіндегі ереже бұзылуына байланысты голды есептемеді.

Көп ұзамай олар сәттілікті қайталап, 106-минутта Ферран Торрес допты аргентиналықтар қақпасына ережеге сай енгізіп, командасын алға шығарды.

Бұл гол мундиаль финалындағы алғашқы әрі соңғы гол болды. Матч нәтижесі - 1:0 есебімен Испания құрамасы жеңіске жетті.

Instagram-дағы бұл жарияланымды көру

Selección Española Masculina de Fútbol (@sefutbol) жарияланымы

Матчтен кейін Аргентина құрамасы алаңда ұзақ уақыт бойы қалды. Бір сәтте Лионель Месси эмоциясын тежей алмай, жылап жіберді.

Месси жылап жатыр. pic.twitter.com/qBx49Icx1g
— Mukhtar (@I_amMukhtar) 19 шілде, 2026 жыл

Финалдық ысқырықтан кейін Испания құрамасының жұлдызды вингері - Ламин Ямаль Мессиге келіп, оны құшақтады. Қарсыластар бір-біріне аяушылық танытпаған ауыр матчке қарамастан, ол осындай сыйластық көрсетті.