Роналду 2026 жылғы әлем чемпионатының алдында күтпеген мәселеге тап болды

Фото: jenta/depositphotos.com

Португалия құрамасы мен Сауд Арабиясының "Әл-Наср" клубының жұлдызы Криштиану Роналду әлем чемпионатын жағымсыз статистикамен бастайды, деп хабарлайды Tengri Sport.

Португалия құрамасы мен Сауд Арабиясының "Әл-Наср" клубының жұлдызы Криштиану Роналду әлем чемпионатын жағымсыз статистикамен бастайды, деп хабарлайды Tengri Sport.

Португалия құрамасының соңғы үш ойынында атақты шабуылшы Криштиану Роналду бірде-бір гол соға алмады. Әңгіме мундиаль алдындағы Нигерия, Чили және АҚШ құрамаларына қарсы жолдастық кездесулер туралы болып отыр, бұл матчтарда Криштиану нәтижелі іс-қимылдарымен көзге түсе алмады.

Instagram-дағы бұл жарияланымды көру

Cristiano Ronaldo (@cristiano) жарияланымы

Еске сала кетейік, португалиялық шабуылшының ұлттық құрама сапындағы мұндай ұзақ голсыз сериясы соңғы рет Еуро-2024 турнирінде тіркелген болатын.

Сол кезде Роналду қатарынан бес матч бойы гол соға алмай, турнирді нәтижесіз аяқтаған еді.

Instagram-дағы бұл жарияланымды көру

Cristiano Ronaldo (@cristiano) жарияланымы

Португалия құрамасының келесі матчі футболдан Әлем чемпионаты аясында өтеді. Олардың қарсыласы Конго Демократиялық Республикасының ұлттық құрамасы болмақ.

Кездесу 17 маусымда Хьюстондағы (Техас штаты, АҚШ) "Эн-Ар-Джи Стэдиум" стадионында өтеді.

Instagram-дағы бұл жарияланымды көру

Portugal (@portugal) жариялаған жазба

Роналду - Португалия тарихындағы үздік сұрмерген

Дегенмен, бұл статистика аңызға айналған форвардтың жетістіктеріне көлеңке түсіре алмайды. Қазіргі уақытта Португалия құрамасы капитанының еншісінде ұлттық құрама сапындағы 228 матчта соғылған 143 гол бар.

Роналду өзге футболшылардан айтарлықтай озып тұр және өз рекордын жаңартуды жалғастырады. Дәл осы оның голдарының арқасында Португалия 2016 жылы Еуропа чемпионы, ал 2018/19 және 2024/25 маусымдарында Ұлттар лигасының жеңімпазы атанды.