Роналду “Әл-Насрға“ жеңіс сыйлап, тарихи межеге жақындай түсті

Сауд Арабиясы чемпионатының 4-туры аясында өткен "Әл-Наср" мен "Әл-Таавун" кездесуінде қонақтар 11-минутта есеп ашты. Қорғаушы Бассам Әл-Хурайджи сәтті мүмкіндікті пайдаланып, допты алаң иелерінің қақпасына дәл бағыттады.

Үзіліске дейін "Әл-Наср" есепті теңестіріп үлгерді. 45-минутта жартылай қорғаушы Саму Кошта мергендігімен көзге түсті.

Матчтың шешуші сәті екінші тайм басталғаннан кейін көп ұзамай болды. 50-минутта Криштиану Роналду командасының екінші голын соғып, "Әл-Насрға" кезекті үш ұпайды алып берді.

41 жастағы португалиялық үшін бұл клубтар мен ұлттық құрама сапындағы ресми матчтарда соққан 978-голы болды. Енді тарихи 1000 голдық межеге жету үшін Роналдуға тағы 22 рет мергендік таныту қажет.

Клубтық деңгейде Криштиану 832 гол соққан. Ал Португалия құрамасы сапында оның еншісінде 146 гол бар.

Бұған дейін Роналду жаңа маусымдағы алғашқы матчында гол соғып, футбол тарихында қатарынан 25 маусым бойы гол соққан алғашқы ойыншы атанған еді.

Айта кетейік, осы уақытта Монакода Конференция лигасының жалпы кезеңіне жеребе тартылып, алматылық "Қайраттың" қарсыластары да анықталды.