Роналду Әлем чемпионатында ерекше антирекорд орнатты

OptaJoe сараптамалық порталы мәліметінше, португалиялық форвард бірегей антирекорд иесі атанды. Криштиану Роналду Әлем чемпионатының плей-офф кезеңінде ойын үстінде гол соқпай ең көп матч өткізген - 10 ойын.

Әлем чемпионаттарындағы бүкіл мансабында Криштиану Роналду плей-офф кезеңінде бар болғаны бір гол соқты - ол биылғы турнирдің 1/16 финалында Хорватия қақпасына соғылған пенальти (2:1).

Шығып қалу жүйесі бойынша өткен қалған барлық кездесуде португалиялық ойыншы көзге түсе алмады.

Роналду ӘЧ-2026-дан шығып қалды

Еске сала кетейік, Португалия құрамасы Әлем чемпионатының 1/8 финалына дейін жетіп, одан әрі өте алмады. Ширек финалға жолдама беретін матчте Роналду бастаған команда турнир фавориттерінің бірі Испания құрамасымен кездесті.

Кездесу тағдырын 90+1-минутта қосалқы құрамнан алаңға шыққан испаниялық Микель Мерино соққан жалғыз гол шешті.

Матчтің қорытынды есебі 0:1, Испания құрамасы жеңіске жетті.

Әлем чемпионатынан шығып кеткен Роналду жалақысыз қалды