Тарихта алғаш рет: испаниялықтар Әлем чемпионатындағы жеңісі үшін жаңа сыйлық алды

Фото: thenews2.com/depositphotos.com

Испания құрамасы басты трофейден бөлек, ФИФА-дан тағы бір эксклюзив сыйлық алған тарихтағы алғашқы команда болды, - деп хабарлайды Tengri Sport инсайдер Фабрицио Романоға сілтеме жасап.

Танымал журналист Халықаралық футбол федерациясының президенті Джанни Инфантиноның Испания құрамасының ойыншыларына чемпиондық жүзіктерді табыстап жатқан сәті түсірілген кадрларды жариялады.

Кадрларға қарағанда, арнайы дайындалған жүзікті алғашқы болып турнирдің үздік ойыншысы, жартылай қорғаушы Родри тақты.

Содан кейін жаңа жүлдені Ламин Ямаль, Ферран Торрес, Пау Кубарси және испан командасының басқа да ойыншылары алды.

Испания тарихта алғаш рет ФИФА Әлем кубогы жеңімпаздарының жүзігін алды. 💍✨

NFL және NBA лигаларында қалыптасқан дәстүр бойынша, жеңімпаз команданың әрбір ойыншысы мен жаттықтырушылар штабының мүшелеріне дербес чемпиондық жүзіктер берілді.pic.twitter.com/Hzd7HsWNa3
— Fabrizio Romano (@FabrizioRomano) 20 шілде, 2026 жыл

Бір жүзіктің құны 70 миллион теңгеге жетеді

Еске салайық, ФИФА Әлем чемпионатының финалдық матчіне бірнеше күн қалғанда жаңа марапаттың енгізілетінін жариялаған болатын. Мундиаль ұйымдастырушылары бұл жүлдені жасау кезінде Американың баскетбол, хоккей және футбол лигаларындағы осыған ұқсас тәжірибеге сүйенген.

Жүзіктер финалдық ойын аяқталғаннан кейін жасалды, өйткені олардың дизайнында жеңімпаз командаға қатысты элементтер қолданылған.

🚨🇪🇸 ФИФА президенті Джанни Инфантино Испанияның шешінетін бөлмесіне барып, ойыншыларға Әлем кубогы чемпиондарының АҢЫЗҒА АЙНАЛҒАН жүзігін табыстады.pic.twitter.com/YyJ0jHLtWS
— Speedline (@speedlne) 20 шілде, 2026 жыл

Барлығы осындай 2026 жүзік дайындау жоспарланған – оның 30-ы командаға, ал қалғаны бүкіл әлемдегі жанкүйерлерге арналған. Сонымен қатар, бұйымның бағасы оны сатып ала алатындардың тізімін едәуір шектейді.

"Әр жүзіктің болжамды құны шамамен 150 мың долларға (шамамен 70 миллион теңге - ескертпе) жетуі мүмкін. Бұл оларды NBA жеңімпаздарына берілетін чемпиондық жүзіктермен бір қатарға қояды, дегенмен бағасы қолданылған асыл тастардың саны мен сапасына байланысты айтарлықтай өзгеруі мүмкін. Сондай-ақ олардың құндылығы ФИФА-ның чемпиондық жүзіктерді тек 2026 жылғы турнирде беретін-бермейтініне де байланысты болуы ықтимал. Ондай жағдайда бұл бұйымдардың сиректігі олардың құнын еселеп арттыруы мүмкін", - деп мәлімдейді AS.

Тарихта алғаш рет: Испания - Аргентина финалының жеңімпазы жаңа сыйлыққа ие болады