+7 (777) 001 44
99
АҚШ президенті Дональд Трамп Халықаралық футбол федерациясынан (ФИФА) әлем чемпионатында Иран құрамасының орнына Италия командасын қосуды сұрады, деп хабарлайды Tengri Sport.
The Kobeissi Letter Дональд Трамп әкімшілігі ФИФА-дан алдағы футболдан әлем чемпионатында Иранды Италиямен алмастыруды өтінгенін хабарлады.
Дереккөз мәліметінше, Трамп өкілі Италияның әлем чемпионаты тарихындағы төрт титулы оған жолдама беруді ақтайтынын алған тартқан.
Бұл жоспар Трамп пен Италия премьер-министрі Джорджа Мелони арасындағы байланысты нығайту әрекеті екені айтылады.
BREAKING: Трамп әкімшілігі Ирандағы соғыс жағдайына байланысты ФИФА-дан алдағы Әлем чемпионатында Иранның орнына Италияны қосуды сұрады.
- The Kobeissi Letter (@KobeissiLetter) 22 сәуір, 2026 жыл
Трамптың өкілі Италияның турнир тарихындағы төрт жеңісі бұл орынды иеленуге лайықты дәлел екенін айтты.
Бұл жоспар... әрекеті деп хабарлануда.
Дональд Трамптың ФИФА-ны әлем чемпионаты қатысушыларының құрамын қайта қарауға шақырған мәлімдемесі үлкен қоғамдық резонанс тудырды.
Алайда халықаралық футболдың қолданыстағы регламенттері мен тәжірибесі тұрғысынан мұндай бастаманы жүзеге асыру мүмкін емес болып көрінеді.
ӘЧ іріктеуі қалай өткізіледі?
Әлем чемпионатына іріктеу ФИФА-ның қатаң ережелерімен реттеледі және тек спорттық нәтижелерге негізделеді.
Иран өз азиялық іріктеу тобында бірінші орын алып, турнирге жолдаманы алаңдағы нәтижелерімен дәлелдеді. Ал Италия болса іріктеуден өте алмады: команда топта екінші орын иеленіп, кейін плей-офф кезеңінде жеңіліс тапты.
Қолданыстағы ережелерде іріктеуден өтпеген команданы саяси себептермен алмастыру механизмі қарастырылмаған. Сондай-ақ ұйым жарғысын бұзумен байланысты салмақты негіздерсіз жолдама алып қойған құраманы шеттету процедурасы да жоқ.
Instagram-дағы бұл жарияланымды көру
ӘЧ қатысушыларын шеттету жағдайлары
Бұл ретте ФИФА-ның ұлттық қауымдастықтарды шеттетуге құқығы бар, бірақ бұл тек ереже бұзылған жағдайда жүзеге асады. Әр жылдары мемлекеттің футбол құрылымдарына араласуы немесе өзге де ережебұзушылықтар тіркелген елдерге санкциялар қолданылған.
Мысал ретінде Украинадағы қақтығыстарға байланысты Ресейдің шеттетілуін, сондай-ақ биліктің футбол федерацияларының қызметіне араласуы салдарынан Гватемала, Кения және Зимбабвеге қарсы салынған санкцияларды атап өтуге болады.
Иран жағдайында мұндай заңбұзушылықтар тіркелмеді. Сәйкесінше, оны жарыстан шеттетуге ешқандай ресми негіз жоқ.
Instagram-дағы бұл жарияланымды көру
Тарихи тәжірибе де мұндай бастамаларды қолдамайды. Тіпті қырғи-қабақ соғыс кезінде кейбір елдер, соның ішінде КСРО, саяси себептермен турнирлерге өз бетінше бойкот жариялаған - ФИФА оларды үшінші тараптардың талабы бойынша шеттеткен емес.
ФИФА-да нақты ереже бар: ұйым саясаттан тыс болуы тиіс. Ол жекелеген саясаткерлердің немесе елдердің қысымымен шешім қабылдай алмайды және саяси себептермен командаларды алаламайды.
Кейінгі жылдары кейбір құрамалардың қатысуына қатысты саяси даулар туындағанымен, ФИФА әдетте бір ұстанымда: саяси мәлімдемелер немесе сыртқы талаптар үшін емес, тек өз ережелерінің нақты бұзылғаны үшін жазалайды.
😳🏆 ДОНАЛЬД ТРАМПТЫҢ КЕҢЕСШІСІ Паоло Замполли АҚШ Президенті мен Джанни Инфантиноға ИРАНДЫ ӘЛЕМ ЧЕМПИОНАТЫНАН ШЕТТЕТІП, оның орнын ИТАЛИЯҒА беруді ұсынды.
- Ataque Futbolero (@AtaqueFutbolero) 22 сәуір, 2026 жыл
‼️ Дәлел ретінде ол Италияның тарих бойында төрт рет әлем чемпионы болғанын және бұл оған жолдама беруге лайықты себеп екенін айтты.
Бұл... pic.twitter.com/9nfEWbAI7b
Осылайша, ФИФА-ның мұндай өтінішті қанағаттандыру ықтималдығы өте төмен. Ұйым әлем чемпионатына іріктеудің тәуелсіз және саяси араласусыз өтетінін тағы бір мәрте растайды деп күтіледі.
Іріктеуден өткен Иран әлем чемпионатына қатысатыны әбден мүмкін. Ал квалификациядан өте алмаған Италия турнирден тыс қалады.
Instagram-дағы бұл жарияланымды көру
ФИФА-ның Иран бойынша ұстанымы
Еске сала кетейік, ФИФА президенті Джанни Инфантино Таяу Шығыстағы жағдайға қарамастан, Иран құрамасы әлемдік додаға қатысуы тиіс деп мәлімдеген болатын.
Халықаралық футбол федерациясы басшысының айтуынша, ирандық футболшылар турнирде өнер көрсетуге дайын.
"Иран командасы келеді, бұл анық. Ешқандай өзгеріс болмайды. Ол уақытқа дейін жағдай тұрақталады деп үміттенеміз. Бұған дейін айтқанымдай, бұл көмектесуі мүмкін. Бірақ ирандықтар келуі керек. Олар өз халқының атынан шығады. Олар іріктеуден өтті. Ойыншылар ойнағысы келеді. Мен оларға екі апта бұрын Антальядағы оқу-жаттығу жиынына бардым. Олар шынымен ойнауды қалайды. Және олар ойнауы тиіс - олар саясатпен емес, спортпен шұғылдануы керек", - деді Инфантино Invest in America форумында.
Instagram-дағы бұл жарияланымды көру
“Бұл анық“: ФИФА басшысы Иранның әлем чемпионатына қатысуына қатысты пікір білдірді.
