Винисиус мадридтік “Реалға“ қатысты соңғы шешім қабылдады

Жаңа келісімшарт мерзімі 2032 жылдың 30 маусымына дейін есептелген. Бразилиялық шабуылшының жалақысы жарияланбады.

Айта кетейік, келісімшартқа қол қойғаннан кейін бірден бразилиялық ойыншы Instagram-дағы парақшасының сипаттамасына мадридтік клубтың аккаунтын қайта қосып, келісім туралы жазба жариялады және аватарын ауыстырды.

Енді Винисиустың профильдегі басты суретінде ол "Реалдың" кубоктары қойылған қабырғаға қарап тұр.

Винисиус келіссөздер кезінде "Реалдан" бас тартты

БАҚ мәліметтеріне сүйенсек, бразилиялық футболшының "Реалмен" жаңа келісімшарт бойынша келіссөздері қиын өткен. Кеше ғана шабуылшы өз профиліндегі барлық жазбаларды өшіріп, сипаттамадан клуб туралы ақпаратты алып тастаған болатын.

Сонымен қатар бірнеше дереккөз шабуылшының лондондық "Арсеналмен" келіссөздер жүргізгенін және команданың көптеген ойыншысы оның келетініне сенімді болғанын хабарлады.

Винисиус "Реалға" 14 титул сыйлады

Еске сала кетейік, бразилиялық ойыншы "Реалға" Бразилиядан 2018 жылы ауысып келген болатын. Содан бері ол команда сапында 375 матч өткізіп, 128 гол соқты.

Ол командамен бірге 14 трофей жеңіп алды, оның ішінде үшеуі - Испания чемпионатының алтыны және екеуі - Чемпиондар лигасының жеңісі. 2024 жылы көпшілік ол "Алтын допты" иеленеді деп болжаған еді, бірақ бұл марапат испандық Родриге бұйырып, үлкен дау тудырды.

Винисиус "Реалдан" бас тартты ма: не болып жатыр?