ӘЧ-де Дональд Трампқа қатысты келеңсіз жағдай мемге айналды

Фото: gints.ivuskans/depositphotos.com

Аргентиналық қорғаушы Кристиан Ромеро 2026 жылғы Әлем чемпионатының марапаттау рәсімінде АҚШ президенті Дональд Трамптың қолын алудан бас тартты, деп хабарлайды Tengri Sport.

Футболдан 2026 жылғы Әлем чемпионаты финалынан кейінгі марапаттау рәсімінде АҚШ президенті Дональд Трамптың қатысуымен келеңсіз жағдай болды. Финалда Испания құрамасы қосымша уақытта Аргентинаны (1:0) жеңген еді.

Марапат алуға шыққан аргентиналық қорғаушы Кристиан Ромеро ФИФА президенті Джанни Инфантино мен Мексика президенті Клаудия Шейнбаумның қолын алып, Трамптың жанынан оны мүлдем елемеген күйде өтіп кетті.

Бұл сәт әлеуметтік желіде лезде тарап, кештің басты мемдерінің біріне айналды.

el cuti romero le negó el saludo a donald trump. pic.twitter.com/bAJhC7Eo3R
— make argentina gay again (@makearggayagain) 19 шілде, 2026 жыл

Ысқырып қарсы алды

Бұл жағдай Трампқа қатысты финалда болған жалғыз келеңсіз жағдай емес. АҚШ президенті үлкен экраннан көрсетілген кезде трибунадағы жанкүйерлердің ысқырып, жағымсыз айқайлауы да желіде қызу талқыланып жатыр.

What it sounded like when President Trump walked onto the field with FIFA head Gianni Infantino for the World Cup trophy presentation pic.twitter.com/qEIo327rcp
— Monica Alba (@albamonica) 19 шілде, 2026 жыл

Кубок және Роналдо

Сонымен қатар Дональд Трампқа VIP-ложасына Әлем чемпионатының трофейін әкелген сәтті де атап өтуге болады. Оны танымал бразилиялық экс-ойыншы Роналдо Назарио алып келді. Видео астындағы пікірлерде көрермендер екіге бөлінді: бірі бұл жағдайға күлсе, екіншілері мұны турнирге жасалған құрметсіздік ретінде қабылдады.

"Трамп Роналдоның кім екенін де білмейтін шығар";

"Трампқа бәрібір болды";

"Трофейге чемпиондар ғана қол тигізе алады";

"Ол трофейді әлгінің басына кигізіп жіберетін мүмкіндікті жіберіп алды";

"Аянышты көрініс. Роналдоның оған кофе тасуы ғана жетіспей тұр", - деп жазды әлеуметтік желі қолданушылары.

🚨VEJA: Ronaldo Fenômeno levou a taça da Copa do Mundo ao camarote presidencial antes da final entre Argentina e Espanha e a mostrou ao presidente dos Estados Unidos, Donald Trump pic.twitter.com/FcBnXhkHBL
— Pesquisas Eleições (@EleicaoBr2026) 19 шілде, 2026 жыл

Мерекелеу

Испания құрамасының жеңісті тойлау сәті де есте қалды, онда Дональд Трамп подиумнан кетпей қойған.

Ол жеңісті тойлап жатқан футболшылардың арасында қалып қойып, би биледі. ФИФА президентіне команданың артық адамсыз тарихи кадрлар түсіруіне мүмкіндік беру үшін оны қолтығынан алып, шетке шығаруына тура келді.

Donald Trump wouldn't leave the stage as Spain lifted the World Cup 😅

It happened again 😬 pic.twitter.com/IeStHsuA5w
— GOAL (@goal) 20 шілде, 2026 жыл

Еске сала кетейік, мұндай жағдай 2025 жылдың шілдесінде Клубтық Әлем чемпионатының марапаттау рәсімінде де болған еді. Ол кезде де Трамп сахнадан уақытылы кетпей, лондондық "Челси" ойыншыларымен бірге тойлаған болатын.

One year ago today, Chelsea won the Club World Cup, sparking one of the strangest trophy lifts of all time, with Donald Trump at the centre of them.

It has been confirmed that the President will be allowed to do this again this summer for the World Cup. pic.twitter.com/kXQfGCfYXs
— Sleeper Football (@SleeperFooty) 13 шілде, 2026

Испания құрамасы - футболдан әлем чемпионы

Айта кетейік, Испания құрамасы 2026 жылғы Әлем чемпионатының финалында Аргентина ұлттық құрамасын жеңді. Тартысты кездесуде негізгі уақытта есеп ашылмай, жартылай қорғаушы Энцо Фернандес алаңнан қуылғаннан кейін ойын овертаймға ұласты.

Дегенмен, 106-минутта испаниялықтар алға шықты. Ферран Торрес Нико Уильямстың пасынан кейін шабуылды нәтижелі аяқтап, кездесудегі алғашқы голды соқты. Аргентина есепті теңестіруге барын салғанымен, гол соға алмады, матч аяқталды.

Кездесудің қорытынды есебі - 1:0, Испанияның пайдасына.