“Ақылға сыймайды“. Месси кішкентай Ямальды шомылдырған кезін еске алды

Фото: actionsports/depositphotos.com

Аргентина құрамасының жұлдызы Лионель Месси Испанияға қарсы өтетін әлем чемпионатының финалына қатысты пікір білдірді. Сондай-ақ ол осыдан 18 жыл бұрын бір жасар Ламин Ямальді қалай шомылдырғанын еске алды, деп хабарлайды Tengri Sport.

2008 жылы қайырымдылық жобасы аясында түсірілген суретте жас Месси бір жасар Ламин Ямальді шомылдырып тұрған сәт бейнеленген. Кейін бұл фото әлеуметтік желілерде кеңінен тараған еді.

"Ламинмен түскен ол сурет... Сәби кезінде бірге суретке түсіп, арада 18 жыл өткен соң әлем чемпионатының финалында кездесетініміз – жай ғана ақылға сыймайды. Өмір тосын сыйларға толы. Біз жақсы ойын көрсетуге тырысамыз, бірақ ол және оның командасы мұндай мүмкіндікке ие болмайды деп үміттенемін", – деп Мессидің сөзін инсайдер Фабрицио Романо келтірді.

🎞️ Лео Месси: "Ламинмен түскен ол сурет — ТАҢҒАЖАЙЫП дүние".

"Өмір тосын сыйларға толы!".pic.twitter.com/COHFhs6uNM
— Fabrizio Romano (@FabrizioRomano) 18 шілде, 2026 жыл

Месси мен кішкентай Ямальдің суреті қалай пайда болды?

Бұл суреттер 2008 жылы испаниялық Diario SPORT басылымы және ЮНИСЕФ қорымен бірлесіп жасалған "Барселона" қорының ынтымақтастық күнтізбесі үшін түсірілген болатын.

Ламин Ямаль мен оның анасы Шейла қайырымдылық акциясына арналған фотосессия кезінде Лионель Мессимен кездескен. Қазір қос футболшы да қайырымдылық ұйымының серіктестері.

The Barça Foundation 2008 solidarity calendar, in collaboration with @sport and @unicef, featuring Leo Messi, Lamine Yamal, and other Barça players.

A special campaign to raise funds for UNICEF and for Barça
Foundation childhood protection programs. 💙❤️ pic.twitter.com/vlEblHOvW1
— FC Barcelona (@FCBarcelona) July 10, 2024

Месси Ямальға қарсы: Испания Әлем чемпионатының финалында Аргентинамен ойнайды

Еске салайық, алдымен Испания 15 шілдеге қараған түні Францияны 2:0 есебімен тізе бүктірді. Шабуылшы Микель Оярсабаль бірінші таймда пенальтиді сәтті орындаса, екінші кезеңде қорғаушы Педро Порро командасының басымдығын арттырды.

Мбаппе кубоксыз қалды: Испания Әлем чемпионатының финалына шықты

Instagram-дағы бұл жарияланымды көру

Selección Española Masculina de Fútbol (@sefutbol) жарияланымы

Ал 16 шілдеге қараған түні Аргентина құрамасы финалға жолдама алу үшін ағылшындарға қарсы өткен матчтың 85-минутынан кейін керемет камбэк жасады. Аргентиналықтардың капитаны Лионель Месси жартылай финалда Энцо Фернандес пен Лаутаро Мартинеске екі нәтижелі пас беріп, қатарынан екінші рет әлем чемпионы атағы үшін бақ сынайтын болды.

Тартысты ойын! Аргентина Англиямен болған қызу матчта Әлем чемпионатының финалына жолдама алды