Франция құрамасының футболшысы Пеленің 56 жыл бұрынғы рекордын жаңартты

instagram/michaaelolise

Франция құрамасының футболшысы Майкл Олисе әлем чемпионаттарында нәтижелі пас беру көрсеткіші бойынша аты аңызға айналған бразилиялық шабуылшы Пеленің рекордын жаңартты, деп хабарлайды Tengri Sport.

ӘЧ-2026 турнирінде Англия құрамасына қарсы үшінші орын үшін өткен матчта 24 жастағы вингер екі нәтижелі пас берді. Осылайша, оның биылғы әлем чемпионатындағы ассист саны жетіге жетті.

Opta Sport статистикалық порталының мәліметінше, Олисе 1966 жылдан бері жүргізіліп келе жатқан есеп бойынша бір әлем чемпионатында ең көп нәтижелі пас берген футболшы атанды.

Бұған дейінгі үздік көрсеткіш Пелеге тиесілі еді. Бразилиялық шабуылшы 1970 жылғы әлем чемпионатында алты нәтижелі пас берген.

Еске салайық, ӘЧ-2026 аясындағы Англия мен Франция құрамалары арасындағы үшінші орын үшін матч 6:4 есебімен ағылшындардың жеңісімен аяқталды.

Бұл кездесуде дубль жасаған Франция шабуылшысы Килиан Мбаппе де тарихи жетістікке қол жеткізді. Ол әлем чемпионаттарындағы гол санын 22-ге жеткізіп, мундиаль тарихындағы ең үздік сұрмерген атанды.

Мбаппе бұл нәтижеге 22 матчта қол жеткізді. Осылайша, ол әлем чемпионаттарында 33 кездесуде 21 гол соққан аргентиналық Лионель Мессиді басып озды.