Футболдан әлем чемпионатында жарты финалдың алғашқы жұбы анықталды

Фото:depositphotos.com

Франция және Испания құрамалары 2026 жылғы әлем чемпионатының алғашқы жарты финалистері атанды, - деп хабарлайды Tengri Sport.

Франция құрамасы Марокконы 2:0 есебімен жеңіп, жарты финалға жолдама алды. 60-минутта Килиан Мбаппе көзге түссе, 66-минутта Усман Дембеле француз командасының басымдығын еселей түсті.

Испания да Бельгияны 2:1 есебімен ұтып, жарты финалға шықты. Шешуші голды қосалқы құрамнан алаңға шыққан Микель Мерино соғып, командасына кезекті мәрте жеңіс сыйлады.

Осылайша, футболдан әлем чемпионатының алғашқы жартылай финалында Франция мен Испания құрамалары кездеседі. Ойын 15 шілдеге қараған түні өтеді, Қазақстан уақытымен сағат 00:00-де басталады.

Instagram-дағы бұл жарияланымды көру

FIFA World Cup (@fifaworldcup) жариялаған жазба

11-інен 12-сіне қараған түні әлем чемпионатының тағы екі жарты финалисі анықталады. 1/2 финалдың қалған жолдамалары үшін Англия мен Норвегия, сондай-ақ, Аргентина мен Швейцария құрамалары бақ сынайды.