Испания Бельгияны жеңіп, 2026 жылғы Әлем чемпионатының жарты финалына шықты

Фото: instagram.com/sefutbol

10-нан 11-ші шілдеге қараған түні Испания құрамасы 2026 жылғы әлем чемпионатының 1/4 финалында Бельгия командасын жеңді, - деп хабарлайды Tengri Sport.

Еске салайық, бұған дейін плей-офф кезеңінде испандар Аустрияны ойсырата ұтып (3:0), Португалиядан басым түскен болатын.

Ал бельгиялықтар болса, Сенегалмен ойында камбэк жасап, жеңісті жұлып алды, кейін АҚШ құрамасын ірі есеппен жеңді.

Ойын барысы

30-минутта испандар есеп ашты: Фабиан Руис қайтқан допты сәтті пайдаланып, нысанаға дөп тигізді.

Алайда 41-минутта жартылай қорғаушы Шарль де Кетеларе қапталдан асырылған допты голға айналдырып, таразы басын теңестірді.

Instagram-дағы бұл жарияланымды көру

433 (@433) жарияланымы

Матч аяқталуға жақын қалғанда, 88-минутта қорғаушы Пау Кубарси айып алаңының сыртынан соққы жасады. Бельгиялық қақпашы доптың бетін қайтарғанымен, оған бірінші жеткен жартылай қорғаушы Микель Мерино торды дәл көздеп, өз командасына жеңіс сыйлады.