Месси Иорданиямен өткен матчте ӘЧ-дегі голдар саны бойынша рекорд жаңартты

Фото: A.Paes/depositphotos.com

28 маусымда таңертең Аргентина құрамасы J тобының қорытынды турында Иордания командасын жеңді, - деп хабарлайды Tengri Sport.

28 маусымда таңертең Аргентина құрамасы J тобының қорытынды турында Иордания командасын жеңді, - деп хабарлайды Tengri Sport.

Командалар арасындағы кездесу "Эй-ти-энд-ти" стадионында (Техас, АҚШ) өтті.

Еске салайық, бұған дейін аргентиналықтар Алжирді ойсырата жеңіп, Аустриядан да басым түскен болатын.

Өз кезегінде Иордания екі матчте Австрия мен Алжирден жеңіліп, плей-офф кезеңіне шығу мүмкіндігінен айырылып қалған еді.

Ойын барысы

Аргентина матчтегі есепті 19-минутта ашты, жартылай қорғаушы Джовани Ло Селсо айып соққысынан көзге түсті.

31-минутта аргентиналықтар пенальти тебу құқығына ие болып, оны шабуылшы Лаутаро Мартинес сәтті орындады.

Екінші таймның 55-минутында иорданиялықтар бір гол қайтарды. Шабуылшы Муса Тамари қақпаның төменгі бұрышына соққы жасап, мүмкіндікті мүлт жібермеді.

80-минутта алаңға қосалқы құрамнан шыққан шабуылшы Лионель Месси айып соққысымен әлем чемпионаттарындағы 19-шы голын соқты.

Матчтің қорытынды есебі — 1:3, Аргентина құрамасы жеңіске жетті.

Instagram-дағы бұл жарияланымды көру

433 (@433) жарияланымы

Осылайша, Аргентина құрамасы топта бірінші орын алып, 1/16 финалға жолдама алды.

Параллель өткен матчте Алжир мен Аустрия 3:3 есебімен тең түсті. Аустриялықтар екінші орын иеленсе, алжирліктер үшінші орынға тұрақтады, бірақ олар да плей-офф кезеңіне өтті.