+7 (777) 001 44
99
Франция президенті Эммануэль Макрон "Пари Сен-Жермен" командасын Чемпиондар лигасының жеңісінен кейін Елисей сарайында қабылдады. Мемлекет басшысы испандық бапкер Луис Энрикенің жұмысын жоғары бағалады, деп хабарлайды Tengri Sport.
Макрон париждіктердің Чемпиондар лигасының финалындағы ойыны бас бапкерді сынаушыларға ең жақсы жауап болғанын айтты.
"Сіздер ПСЖ-ны ешқашан тастаған емессіздер. Осы клубты Еуропаның шыңына көтергендеріңіз үлкен мақтаныш. Мен Луис Энрикенің келуімен клубтың жағдайы нашарлайды деп айтқан футбол сарапшыларын ұмытқан жоқпын. Кеше біз нағыз шебер дирижер бола білген бапкерді көрдік. Бұл барлық сыншыға берілген ең лайықты жауап", - деді Макрон командамен кездесуде.
Еске сала кетейік, Чемпиондар лигасының финалында "Пари Сен-Жермен" пенальти сериясында ағылшындық "Арсеналды" жеңген болатын. Бұл Энрике мен команда үшін қатарынан екінші мәрте қол жеткізген жеңіс болды.
Луис Энрике Чемпиондар лигасының үш дүркін жеңімпазы. Ол 2014/15 маусымында "Барселонамен", содан кейін ПСЖ-мен екі рет чемпиондық атаққа ие болды.
Маман Парижге 2024 жылдың жазында ауысып келіп, команданы өз тарихындағы алғашқы Чемпиондар лигасының титулына бастап барды.
Ерекше сәт: Эммануэль Макрон Луис Энрикенің ПСЖ-да атқарған орасан зор жұмысын жоғары бағалауда 👏 pic.twitter.com/oOnrZgLJKh
Anna Neumann (@anna_p_neumann) May 31, 2026
ПСЖ - "Арсенал" арасындағы Чемпиондар лигасы финалының тағдырын пенальти сериясы шешті
