+7 (777) 001 44
99
Мамырдың 6-нан 7-не қараған түні Мюнхенде (Германия) жергілікті "Бавария" мен француздық "Пари Сен-Жермен" арасында қарымта матч өтеді. Алғашқы ойында тоғыз гол соғылған болатын, деп хабарлайды Tengri Sport.
Бұл ойында Чемпиондар лигасының 2025/2026 жылғы маусымының екінші финалисі анықталады. Кеше 2006 жылдан бері алғаш рет Лондонның "Арсеналы" бірінші финалист атанды.
"ПСЖ" мен "Бавария" арасындағы алғашқы матч қалай өтті?
Еске сала кетейік, Парижде өткен алғашқы кездесудің бірінші таймында-ақ командалар бес гол соққан болатын, ал матч барысында алаң иелері 5:2 есебімен алда тұрды.
Екінші таймның ортасына қарай "Бавария" екі гол соғып, есеп айырмасын қысқартты, бірақ "ПСЖ" минималды басымдықты сақтап қалды.
Бұл матч Чемпиондар лигасының жартылай финалдар тарихындағы голдар саны бойынша рекорд көрсеткіш, сондай-ақ турнир тарихындағы нәтижелілігі жағынан бесінші ойын болды.
"Бавария" - "ПСЖ": кімдер ойнамайды?
УЕФА ресми сайты алғашқы матчпен салыстырғанда командалар құрамында бір-бірден ауыс-түйіс болады деп болжайды: Дэвистің орнына Лаймер шығады, ал Хакими Мендешпен алмастырылады.
Болжамды құрамдар:
"Бавария": Нойер; Станишич, Упамекано, Та, Лаймер; Киммих, Павлович; Олисе, Мусиала, Диас; Кейн.
"Пари Сен-Жермен": Сафонов; Заир-Эмери, Маркиньос, Пачо, Мендеш; Витинья; Невеш, Руис; Дуэ, Дембеле, Кварацхелия.
"Бавария" - "ПСЖ": тікелей көрсетілім
"Бавария" - "ПСЖ" матчының көрсетілімі 6 мамырда Қазақстан уақытымен сағат 23:50-де басталады. Ойынды Qazsport арнасы мен сайтында тікелей эфирде тамашалауға болады.
