+7 (777) 001 44
99
5 мамырдан 6 мамырға қараған түні Лондонда (Англия) жергілікті "Арсенал" Чемпиондар лигасы жартылай финалының қарымта матчінде испаниялық "Атлетиконы" қабылдайды. Командалар арасындағы алғашқы ойында тең есеп тіркелді, деп хабарлайды Tengri Sport.
"Арсенал" - "Атлетико" (Мадрид) матчінде Чемпиондар лигасының 2025/2026 маусымындағы алғашқы финалисі анықталады. Титул үшін өтетін бәсекеде жеңімпаз "Бавария"/"Пари Сен-Жермен" жұбының бірімен кездеседі.
"Арсенал" мен "Атлетиконың" алғашқы матчы қалай өтті?
Өткен аптада Мадридте командалар бір-бірінің қақпасына тек 11 метрлік айып соққыларының көмегімен ғана гол соға алды.
Бұл ретте алаң иелері қонақтарға қарағанда екінші гол соғуға жақынырақ болды, бірақ "Арсенал" қақпашысынан айласын асыра алмады.
"Арсенал" - "Атлетико": кімдер ойнамайды?
Матчтің болжамды құрамдарын жариялаған УЕФА-ның ресми сайты құрамдар алғашқы кездесумен салыстырғанда айтарлықтай өзгермейді деп есептейді.
"Атлетико" сапында Ганцконың орнына ле Норман шығуы мүмкін, ал Эдегор мен Мадуэке өз орнын Эзе мен Сакаға беруі ықтимал.
Болжамды құрамдар
"Арсенал": Райя; Уайт, Салиба, Габриэл, Инкапье; Субименди, Райс, Эзе; Сака, Дьёкереш, Martinelli
"Атлетико": Облак; Льоренте, Пубиль, ле Норман, Руджери; Симеоне, Коке, Кардосо, Лукман; Альварес, Гризманн
"Арсенал" - "Атлетико": тікелей трансляция
"Арсенал" - "Атлетико" матчінің трансляциясы Қазақстан уақытымен 5 мамыр күні сағат 23:50-де басталады. Ойын Qazsport, сондай-ақ телеарна сайты арқылы тікелей эфирде көрсетіледі.
