+7 (777) 001 44
99
Лондондық "Арсенал" Чемпиондар лигасының жартылай финалы кезінде стадиондағы көгал сапасына байланысты мадридтік "Атлетиконың" үстінен УЕФА-ға шағым түсірді, - деп хабарлайды Tengri Sport Foot Mercato-ға сілтеме жасап.
Дереккөз мәліметінше, лондондық "Арсенал" УЕФА-ға жолдаған шағымында мадридтік "Атлетико" бапкері Диего Симеоненің есімі де аталған.
"Арсенал" УЕФА-ға "Атлетиконың" үстінен шағым түсірдіhttps://t.co/UniEjynnHT
— Foot Mercato (@footmercato) 2026 жылғы 30 сәуір
Бұған стадиондағы көгалдың нашарлығы себеп болған. Клубтағылар алаң жағдайы талапқа сай болмады деп есептейді.
Тіпті УЕФА инспекторлары матч алдында қосымша өлшеу жұмыстарын жүргізуге мәжбүр болған.
Ұлыбританиялықтардың пікірінше, нашар көгал ойынға айтарлықтай әсер еткен: футболшылар тепе-теңдікті жоғалтып, үйреншікті қарқындарында өнер көрсете алмаған.
Instagram-дағы бұл жарияланымды көру
Еске сала кетейік, мадридтік "Атлетико" мен лондондық "Арсенал" арасындағы алғашқы жартылай финалдық кездесу 30 сәуірге қараған түні Мадридтегі (Испания) "Рияд Эйр Метрополитано" стадионында өтті.
Есепті бірінші болып "зеңбірекшілер" ашты. Матчтың 43-минутында Субименди айып алаңындағы Дьёкерешке пас берді, ал алаң иелерінің қорғаушысы Ганцко шведтік шабуылшыны шалып жықты – төреші пенальти белгіледі.
Допқа Дьёкерештің өзі келіп, оны сол жақ бағананың жанынан қақпаға дәл бағыттады. Ян Облак соққының бағытын аңғарғанымен, допқа жете алмады.
Instagram-дағы бұл жарияланымды көру
56-минутта Льоренте айып алаңының сыртынан соққы жасап, доп Бен Уайттың қолына тиді. Бастапқыда төреші пенальти белгілемегенімен, бейнеқайталауды көргеннен кейін 11 метрлік айып соққысын белгіледі.
Допқа "Атлетико" шабуылшысы Хулиан Альварес келіп, жойқын соққымен қақпаның сол жақ бұрышын көздеді, ал қақпашы Давид Райя ортада қалып қойды.
Instagram-дағы бұл жарияланымды көру
Матчтің қорытынды есебі — 1:1.
Айта кетейік, қарымта кездесу бір аптадан кейін, 6 мамырға қараған түні Лондондағы "Эмирейтс" стадионында өтеді.
Instagram-дағы бұл жарияланымды көру
