Чемпиондар лигасының Париждегі ПСЖ - “Барселона“ матчі: трансляцияны қайдан көруге болады?

21 қазанға қараған түні Париждегі (Франция) "Парк де Пренс" стадионында Чемпиондар лигасының алаң иелері ПСЖ мен каталониялық "Барселона" арасындағы кездесуі жоспарланған.

Франция астанасындағы кейінгі наразылықтарға қарамастан, кездесу өткізіледі. Бұл туралы премьер-министр Себастьен Лекорню мен ішкі істер министрі Лоран Нуньес мәлімдеді.

Сондай-ақ олар қалада коменданттық сағат жариялап, жаппай сот репрессиялары болатынын ескертті.

Violences et pillages: "Une opération judiciaire massive démarre", annonce Sébastien Lecornu https://t.co/1zYmzfqlNJ

— BFM (@BFMTV) 19 қазан, 2026 жыл

ПСЖ - "Барселона" матчі: тікелей трансляция

Айта кетейік, ПСЖ - "Барселона" матчі 21 қазанға қараған түні Қазақстан уақытымен сағат 00:00-де басталады, оны Qazsport телеарнасы тікелей эфирде көрсетеді. Трансляцияны ресми сайттан да тамашалауға болады.

Франциядағы жаппай наразылықтар

Еске сала кетейік, Франциядағы наразылықтар қыркүйекте жоғары сынып оқушыларының акцияларынан басталып, кейін бағаның өсуіне наразылық аясында өрши түсті. Ең ауқымды шеру 17 қазанда өтіп, қақтығыс пен бүлікке ұласты. БАҚ мәліметінше, екі мыңнан аса адам ұсталған.

Des véhicules de police sont prises pour cible par la foule dans le secteur République à Paris. #Paris #17octobre https://t.co/yMReav1Tie

— Luc Auffret (@LucAuffret) 17 қазан, 2026

Бүлік пен тонау белең алды. Наразылық білдірушілер дүкендермен қатар, Париждің футбол мұражайын да тонап кеткен. Желіде бетперде киген адамдардың Лионель Мессидің қолтаңбасы бар каталониялық "Барселона" жейдесі мен капитандық таңғышты ұстап, қуанып жатқан видеосы тарады.

Fransa’da protestocular, yağmaladıkları bir mağazadan imzalı Messi forması çaldı. https://t.co/78XSketlUd

— Conflict (@ConflictTR) 18 қазан, 2026 жыл

Сондай-ақ тонаушылар әйгілі француз жартылай қорғаушысы, аңызға айналған ойыншы Зинедин Зиданның қолтаңбасы қойылған жейдені де алып кеткен.

🚨🇫🇷 INSOLITE : Un maillot du REAL MADRID floqué ZINÉDINE ZIDANE et signé par la légende française a été VOLÉ lors d’un pillage ! Le voleur semble particulièrement FIER de sa prise. https://t.co/IcdXqSuyhN

— Cpasdeslol (@cpasdeslol_X) 18 қазан, 2026 жыл

Криштиану Роналду Португалия құрамасындағы іс-әрекеті үшін жазаланады