+7 (777) 001 44
99
"Реалдың" француздық шабуылшысы Килиан Мбаппе мадридтік клуб бапкері Альваро Арбелоа оны команданың негізгі ойыншысы деп санамайтынын айтты. Журналистер Килианға клубтан кету туралы сұрақ қойды, деп хабарлайды Tengri Sport.
Испания чемпионатындағы "Реал Овьедоға" қарсы матчта бапкер французды қосалқы құрамда қалдырып, тек 69-минутта алаңға шығарды.
80-минуттың өзінде Мбаппе Джуд Беллингемге нәтижелі пас беріп, команда 2:0 есебімен жеңіске жетті.
Ойыннан кейін Килиан журналистерге шығып, негізгі құрамда шығуға дайын болғанын айтты.
"Жағдайым өте жақсы. Бүгін мен негізгі құрамда шықпадым, өйткені Арбелоа маған командадағы төртінші шабуылшы екенімді айтты", - деді форвард.
🗣️ Мбаппе "Реал Овьедоға" қарсы ойында қосалқы құрамда қалуы туралы: "Жағдайым өте жақсы. Бүгін мен негізгі құрамда болмадым, өйткені Арбелоа маған командадағы төртінші шабуылшы екенімді айтты".
— DAZN España (@DAZN_ES) May 14, 2026
#LALIGAenDAZN ⚽ pic.twitter.com/RBousiSOMQ
Мбаппенің микс-аймақта айтқан сөздері бапкердің құлағына тез жетті. Ойыннан кейінгі баспасөз мәслихатында Арбелоаға Мбаппе расында "төртінші шабуылшы" ма деген сұрақ қойылды.
"Мен оған мұндай сөз айтқан жоқпын. Төрт күн бұрын тіпті қосалқы құрамда отыра алмаған ойыншының бүгін негізгі құрамда шықпауы тиіс екені маған әбден анық. Мен осы орында отырғанда, алаңға кімнің шығатынын тек мен шешемін. Оның есімі кім болса да маған бәрібір", - деп мәлімдеді маман.
🔥 АРБЕЛОА МБАППЕГЕ АНЫҚ әрі ҚАТҚЫЛ жауап берді:
— Madrid Sports (@MadridSports_) May 14, 2026
“Мен осы креслода отырғанда, кімнің ойнайтынын өзім шешемін".
“ЕСІМІ КІМ БОЛСА ДА МАҒАН БӘРІБІР" pic.twitter.com/KxPRyABjPC
Мбаппе дағдарысқа байланысты "Реалдан" кете ме?
Сондай-ақ "Реал Овьедоға" қарсы матчтан кейін Килианға Мадридтен кеткісі келе ме деген сұрақ қойылды. Бұған француз ешнәрсеге қарамастан клубта өзін әлі де жайлы сезінетінін айтты.
"Мадридте маған өте жақсы. Неге кетуім керек?" - деді форвард.
Айта кетейік, Килиан Мбаппе "Реалға" 2024 жылдың жазында "Пари Сен-Жерменнен" ауысып келді. Содан бері париждіктер тарихында тұңғыш рет Чемпиондар лигасын жеңіп алса, мадридтіктер екінші маусым қатарынан маңызды трофейсіз қалып отыр.
Бұл ретте Мбаппенің өзі таңғаларлық статистика көрсетіп келеді - "Реал" сапындағы 101 матчта оның еншісінде 85 гол мен 12 нәтижелі пас бар.
"МЕН ОСЫНДА ӨТЕ БАҚЫТТЫМЫН"
— DSPORTS (@DSports) May 14, 2026
⚪ Килиан Мбаппе "Кремовыйлар" сапында өзін жайлы сезінетінін айтып, "Реал Мадридтен" кету туралы ақпаратты жоққа шығарды.
⏩ Сонымен қатар, ол Моуриньоға қатысты бірнеше сөз айтты.#FutbolTotal pic.twitter.com/mHuE3Ppm67
"Реал" тәлімгеріне келетін болсақ, ол бұл қызметте небәрі 7 ай жұмыс істеп үлгерген Хаби Алонсоның орнына келген болатын.
БАҚ-тағы ақпаратқа сүйенсек, Арбелоа маусым соңында қызметінен айырылуы мүмкін.
Бұған дейін мадридтік клуб жанкүйерлері Килиан Мбаппе "Реалдан" кетуі үшін петиция жариялаған болатын. Бірінші тәулік ішінде оған 10 миллионнан астам адам қол қойды.
Тағы оқыңыз: “Реал“ президенті Ламин Ямальдің ауысуы туралы пікір білдірді
“Барселонамен“ келісімшартқа отырған қазақстандықты “Астанаға“ алмаған: толығырақ
