+7 (777) 001 44
99
Мадридтік "Реалдың" президенті Флорентино Перес каталониялық "Барселона" мен Испания құрамасының вингері Ламин Ямальдің ойыны өзіне ұнайтынын мәлімдеді, - деп хабарлайды Tengri Sport инсайдер Фабрицио Романоға сілтеме жасап.
El Chiringuito басылымына берген сұхбатында "Реал" басшысы "Барселонаның" басты жұлдызының ойынына баға беріп, ықтимал трансфер туралы пікір білдірді.
"Маған Ламин Ямаль ұнай ма? Әрине, ол маған ұнайды! Онымен келісімшартқа отырамыз ба? (Күледі). "Барселонамен" қарым-қатынасымыз толықтай үзілген", - деп Романо оның сөзін келтірді.
Айта кетейік, кеше Ямаль "Барселонаның" чемпиондығын жейдесіндегі "Мадридиста емес екеніме рақмет" деген арандатушылық жазумен атап өтті.
18 жастағы вингер каталониялық клуб сапында Криштиану Роналдудың "Реалдағы" бүкіл мансабындағы титулдарынан да көп жеңіске жетіп үлгерді.
🚨 Флорентино Перес: "Маған Ламин Ямаль ұнай ма? Әрине, ол маған ұнайды!", — деп мәлімдеді El Chiringuito басылымына.
— Fabrizio Romano (@FabrizioRomano) 13 мамыр, 2026 жыл
"Оны қатарға қосу ма? (Күледі). "Барселонамен" қарым-қатынас толықтай үзілген". pic.twitter.com/0pvYAIcuJB
Еске сала кетейік, осы маусымда "Барселона" алғаш рет Эль-Класикода Испания чемпионы атанды. Шешуші ойында команда "Реалды" 2:0 есебімен жеңді.
Ал "Реалға" келер болсақ, клуб екі жыл қатарынан маңызды трофейсіз қалып отыр.
