6-минуттағы гол және жанкүйерлер таңданысы: Сатпаевтың “Челсидегі“ дебюті қалай өтті?

Хаби Алонсо Сәтпаевты Аустралия мен Азия турына баратын ойыншылар тізіміне қосқанда, оны бірден алғашқы матчте-ақ алаңға шығарады деп ешкім ойламаған еді. Оның үстіне, негізгі құрамда.

Алайда Дастанның өзі мұндай жағдайға барынша дайын болған секілді. Ол алаңға шыққан алғашқы секундтардан бастап доптан қорықпай, ойынды өз қолына алды және небәрі 6 минуттан кейін дебюттік голын соқты.

Сәтпаевтың "Челси" сапындағы дебюті: қалай болды?

Қорғаушы Райан Кавума-Маккуин 17 жастағы қазақстандыққа пасты дәл шығарды, ол да сенімді ақтады: жақын бұрышты дәл көздеп, есеп ашты. Мұндай тамаша дебютті тек Ағылшын премьер-лигасы деңгейінде қайталағанда асып түсуге болатын шығар.

Гол соққаннан кейін де Дастан тосылып қалған жоқ: допқа жиі иелік етіп, соққы бағыттап, пастар берді.

"Челсидің" шабуылы сәтті болғанымен, қорғаныста команда бірнеше қателік жіберді. Нәтижесінде бірінші таймның соңына қарай есеп 2:2 болды.

Екінші таймда Алонсо екі ауысым жасады, бірақ Дастан алаңда қалып, командаға пайдасын тигізе берді. Тек 63-минутта, "Челси" жұлдыздары Коул Палмер, Жоао Педро және Эстевао алаңға шыққан кезде қазақстандық ойыншы ауыстырылды.

Матч қорытындысы бойынша "Челси" 6:4 есебімен жеңіске жетті - қосалқы құрамнан шыққан Жоау Педро хет-трик жасады.

"Челси" жанкүйерлері Дастанды клубта қалдыруды сұрап жатыр

Әлеуметтік желілердегі пікірлерге қарағанда, Дастанның ойыны команда жанкүйерлерін тәнті еткен. Қазақстан туы қойылған жүздеген пікір арасынан британдықтардың таңданысқа толы лебіздерін де көптеп кездестіруге болады.

Фото: instagram.com/chelseafc/

"Енді біздің өз Агуэромыз бар!";

"Ол мықты ойыншы. Қорғаушының алдын орап өтіп, бірден екі адамды ойыннан шығарып жіберді";

"Мына жігіт, Сәтпаев, нағыз данышпан...";

"Бізге дәл осындай ойыншылар керек. Бірден іске көшті!";

"Осы маусымда ол біздің команданың құрамына енуі керек", - деп жазады олар әлеуметтік желілерде.

Еске салайық, Дастан Сәтпаев небәрі 17 жаста, сондықтан команданың шабуыл шебіндегі бәсекелестіктің жоғары болуына байланысты "Челси" оны жалға беруі мүмкін деген болжам бар. Алайда Дастан өз ойыны арқылы клубқа осы маусымда-ақ көмектесе алатынын дәлелдеп жүр.

Дастан Сәтпаев “Челси“ сапындағы дебютінде алғашқы голын соқты