Дастан Сәтпаев “Челси“ сапындағы дебютінде алғашқы голын соқты

Фото: chelseafc.com

Қазақстан құрамасының вингері Дастан Сәтпаев лондондық "Челси" сапында дебют жасады, деп хабарлайды Tengri Sport.

17 жастағы қазақстандық Аустралиядағы "Вестерн Сидней" командасына қарсы жолдастық кездесуде негізгі құрамда алаңға шықты. Дастан 36-нөмірді иеленіп, шабуылдың сол қанатында ойнады.

"Челси" сапындағы алғашқы матчының 6-минутында-ақ қазақстандық вундеркинд қарсылас қақпашысымен жеке шығып, лондондықтар үшін алғашқы голын соқты.

Естеріңізге сала кетейік, жас қазақстандық құрама ойыншысы шамамен бір ай бұрын "Челсиге" қосылып, жаңа командасымен бірге маусым алдындағы турнеге бірден кірісті. Лондондықтар Австралия мен Азияда бес матч өткізеді.

Посмотреть эту публикацию в Instagram

Публикация от Антон Бова (@spor_tjob)

Сәтпаев алғашқы ойында-ақ клубтың басқа жас таланттарымен қатар негізгі құрамда өз орнын тапты. Дегенмен, команданың алғашқы голын соққан да сол болды.