Дастан Сәтбаев алғаш рет “Челси“ сапында бастапқы құрамда шығады

Фото: ҚФФ баспасөз қызметі/chelseafc.com

17 жастағы қазақстандық Дастан Сәтбаев Австралиядағы маусымалды турнесінің алғашқы матчінде "Челсидің" негізгі құрамында алаңға шығады. Бұл ойын ол үшін команда сапындағы алғашқы ресми ашық кездесу болмақ, деп хабарлайды Tengri Sport.

Сәтбаевтың тікелей эфирде көрсетілетін алғашқы матчы Сиднейде өтеді. Лондондық клубтың қарсыласы жергілікті "Вестерн Сидней Уондерерс" командасы болмақ.

"Челсидің" "Вестерн Сидней Уондерерске" қарсы ойындағы бастапқы құрамы:

Шарман-Лоу, Ачеампонг, Тосин, Субулое, Эменало, Уолш, Уотсон, Эссуго, Делап, Сәтбаев, Кавума-Маккуин.

Айта кетейік, матч Қазақстан уақытымен сағат 14:45-те басталады. Сондай-ақ бұл ойын "Челсидің" жаңа тәлімгері Хаби Алонсо үшін де алғашқы ашық кездесу болмақ.

Біздің бастапқы құрамымыз дайын! 👀🔵 pic.twitter.com/f4zYQvgL7B
— Chelsea FC (@ChelseaFC) July 28, 2026

Дастан Сәтбаев - ағылшын клубындағы алғашқы қазақстандық

Еске сала кетейік, Дастан Сәтбаевтың "Челсиге" ауысатыны өткен жылы жарияланған болатын, бірақ ол тек 2026 жылдың маусымында "Қайраттан" кетіп, Лондонға қоныс аударды.

17 жастағы Сәтбаев - футболдан Қазақстан құрамасы тарихындағы ресми кездесулерде гол соққан ең жас ойыншы. Сонымен қатар ол Чемпиондар лигасы тарихындағы ең жас гол авторларының ондығына кіреді.

Transfermarkt порталында Сәтбаевтың құны қазір 3,5 миллион еуроға бағаланып отыр - бұл Қазақстан құрамасының барлық ойыншылары арасындағы ең жоғары көрсеткіш.

Айта кетейік, Ағылшын Премьер-лигасындағы жаңа маусым 24 тамызда басталады, ал қазіргі уақытта "Челси" Австралия мен Азия елдерінде маусымалды турнеде жүр. Сиднейдегі матч - жоспарланған бес кездесудің алғашқысы.

“Челси“ Дастан Сәтпаевтың ауысуынан кейін мәлімдеме жасады