Абдурашид Абдуллаев ушудан Азия ойындарының күміс жүлдегері атанды

Фото: Сәли Сабиров/ҰОК

Қазақстандық спортшы Абдурашид Абдуллаев Жапонияның Айти және Нагоя қалаларында өтіп жатқан 2026 жылғы Азия ойындарында ушу-саньдадан финалда өнер көрсетті. Отандасымыз қарсыласына есе жіберіп, Азиаданың күміс жүлдегері атанды, деп хабарлайды Tengri Sport.

Отандасымыз 75 келіге дейінгі салмақ дәрежесінде жүлде үшін бақ сынады.

Финалда Абдурашид Иран өкілі Сохейл Мусавимен кездесіп, қарсыласына жол берді.

Осылайша, Абдурашид Абдуллаев Азиададағы өнерін күміс медальмен түйіндеді.

Бұған дейін Әлижан Аблағатов 2026 жылғы Азиадада ушудан Қазақстан қоржынына алғашқы медальды салған болатын, ал академиялық есуден Қазақстан экипажы елге сегізінші алтын медальды сыйлады.