+7 (777) 001 44
99
ҚР СІМ ресми өкілі Ерлан Жетібаев 2026 жылғы әлем чемпионатына баруды жоспарлап отырған қазақстандықтарға арналған ұсыныстарын жариялады, деп хабарлайды Tengri Sport.
"Биыл 11 маусым мен 19 шілде аралығында Америка Құрама Штаттарында, Канадада және Мексикада футболдан Әлем чемпионаты өтеді. Бұл іс-шара көптеген шетелдік жанкүйерді, соның ішінде еліміздің азаматтарын қызықтыратыны сөзсіз. Осыған байланысты Сыртқы істер министрлігі матчтер мен чемпионаттың өзге де іс-шараларына баруды жоспарлап отырған азаматтарға сақтық шараларын сақтап, жеке қауіпсіздік мәселелеріне мұқият болуды ұсынады", - деп атап өтті Жетібаев ведомстводағы брифингте.
Сонымен қатар Жетібаев қазақстандықтарға жеке басын куәландыратын құжаттарды үнемі алып жүруді ескертті.
"Жергілікті құқық қорғау органдары мен іс-шара ұйымдастырушыларының талаптарын қатаң сақтау, жүру бағыттарын алдын ала жоспарлау және ресми көлік қызметтерін пайдалану қажет", - деп түйіндеді ол.
2026 жылғы футболдан әлем чемпионаты 11 маусым мен 19 шілде аралығында Канада, Мексика және АҚШ-та өтеді. Турнирге алғаш рет 48 құрама қатысады.
ПСЖ - "Арсенал" арасындағы Чемпиондар лигасы финалының тағдырын пенальти сериясы шешті
