60 келіге дейінгі салмақ дәрежесінде алтын медаль үшін өткен жекпе-жекте оның қарсыласы тәжірибелі боксшы Бейбарыс Жексен болды.
Бірінші раундта Жексен чемпионаттың басты сенсациясына айналған қарсыласынан 4:1 есебімен басым түсті. Алайда кейін Қожахан жекпе-жек тізгінін өз қолына алып, есепті өзгерте білді.
Нәтижесінде Әділбек Қожахан 5:0 есебімен жеңіске жетіп, ересектер арасында алғаш рет Қазақстан чемпионы атанды.
Әділбек Қожахан туралы не белгілі?
Әділбек Қожахан 2007 жылы дүниеге келген. Қазақстан чемпионатындағы жеңісі - әзірге оның спорттық мансабындағы ең үлкен жетістігі. Жартылай финалда IBA нұсқасы бойынша әлем чемпионы Оразбек Асылқұловты жеңуі турнирдегі басты сенсациялардың біріне айналды.
Әлем чемпионымен кездескенге дейін Әділхан 1/8 финалда тәжірибелі боксшы Асылжан Серікбайды жеңіп, ширек финалда 2024 жылғы Қазақстан чемпионы Талғат Сырымбетовті жарыс жолынан шығарған еді.
Сенсация: 19 жастағы қазақстандық боксшы әлем чемпионын тізе бүктірді